АҚПАРАТТЫҚ ХАТ

Сіздерді 2024 жылғы 22 қазанда Халел Досмұхамедов атындағы Атырау университетінде көрнекті жазушы, драматург, аудармашы, кинодраматург, қоғам қайраткері Сәтімжан Қамзаұлы Санбаевтың 85 жылдығына арналған «Сәтімжан Санбаев шығармашылығындағы әдеби дәстүр және ұлттық сана» атты Халықаралық ғылыми-практикалық конференцияға шақырамыз.

Конференция 2024 жылы 22 қазанда Халел Досмұхамедов атындағы Атырау университетінде өтетінін хабарлаймыз

Конференция ұйымдастырушылары: М.О.Әуезов атындағы Әдебиет және өнер институты, Халел Досмұхамедов атындағы Атырау университеті.

Конференция жұмысына қатысуға ғалымдар, ғылыми, ғылыми-білім беру және өзге де ұйымдардың мамандары, докторанттар, магистранттар, студенттер шақырылады.

Конференция мақсаты: С.Санбаевтың шығармашылығын зерделеу және дәріптеу, әдебиеттану мен лингвистиканың, тарих пен мәдениеттанудың, мәдениетаралық коммуникация мен аударматанудың бірқатар өзекті мәселелерін талқылау.

Конференцияда келесі бағыттар бойынша мәселелерді талқылау жоспарлануда:

1. С.Санбаев шығармашылығының негізгі бағыттары, стилінің өзіндік ерекшелігі.

2. Қазақстанның орыс тілді жазушыларының шығармашылығындағы әлемнің ұлттық бейнесін бейнелеу ерекшелігі.

3. Тарих және мәдениет, өнердегі көшпенділер әлемі.

4. Компаративистика және аударматану мәселелері.

5. Әдебиеттану, лингвистика және филологиялық пәндерді оқыту әдістемесінің өзекті мәселелері.

Конференцияның жұмыс тілдері: қазақ, орыс, ағылшын.

Конференция аралас (онлайн/офлайн) форматта өтеді. Сілтемелер қосымша жібереледі.

Ресми шақырту қажет болған жағдайда бұл туралы ұйымдастыру комитетіне 2024 жылғы 20 қыркүйектен кешіктірмей хабарлауды сұраймыз. Іс сапар шығындары жіберуші тарап есебінен немесе жеке қаражат есебінен жүзеге асырылады.

Мекен-жай: 060011, Қазақстан Республикасы, Атырау қ-сы, Студенттер даңғылы, 212, Халел Досмұхамедов атындағы Атырау университеті, №1 оқу ғимараты, акт залы.

Конференцияға қатысу үшін өтінім мен мақала 2024 жылы 12 қазанға дейін u.dzhumagaliyeva@asu.edu.kz электрондық поштаға жіберілуі тиіс. Байланыс телефондары: 8-701-316-88-05 Дүтбаева Сәуле Сергоқызы, 8-701-389-23-59 Кенжебаева Жарқын Есенқызы.

Конференцияға қатысу ақысыз. Конференция материалдары электрондық жинаққа енгізіледі. Конференция туралы мәліметтер Халел Досмұхамедов атындағы Атырау университеті сайтында жарияланады – https://asu.edu.kz/

Қосымша:

1. Конференцияға қатысу туралы өтінім үлгісі

2. Мақаланың мазмұны мен рәсімдеу талаптары.

Ұйымдастыру комитеті

Тізімге қайта оралу