Атырау университеті студенттері Республикалық олимпиадада топ жарды
Л.Н.Гумилев атындағы Еуразия ұлттық университетінің ұйымдастыруымен, экономикалық бағыттағы білім беру бағдарламаларының студенттеріне арналған «Қаржылық қауіпсіздік» онлайн олимпиадасы ұйымдастырылды.
Білім бәйгесіне Х.Досмұхамедов атындағы Атырау университетінің экономика және құқық факультетінің саладағы менеджмент мамандығының 4-курс студенттері Рысжан Габбасова мен Аружан Назымбекова қатысып, үшінші дәрежелі дипломмен марапатталды. Жүлдегер команданың ғылыми жетекшісі – Атырау университеті экономика және құқық факультетінің сеньор-лекторы, магистр Г. Жамбылова.
Олимпиаданың бірінші турында қатысушылар «Қаржылық қауіпсіздік» тақырыбы бойынша ғылыми жобаларын ұсынып, жоғары ұпай еншілеген командалар екінші турға іріктелген. 2-тур онлайн тестілеу форматында өтіп, жеңімпаз бен жүлдегерлер анықталған.
Ұйымдастырушылардың айтуынша, онлайн олимпиада Қазақстан Республикасы Президентінің 2022 жылғы 6-қазандағы жарлығын іске асыру мақсатында Қаржылық мониторингті дамытудың 2022-2026 жылдарға арналған тұжырымдамасын іске асыру аясында өткізілген.
ПІКІРЛЕР