17.04.2024 104

Х.Досмұхамедов атындағы Атырау университеті қызметкерлері мен студенттерінің бөгетті бекемдеу жұмыстарымен танысты. Бұл бөгет – Жайықтың тасыған суын Сарыөзек каналы арқылы Атырау қаласының батыс солтүстігімен Каспий теңізіне тікелей апарып құятын маңызды қорғаныстың бірі. Оқу орны табиғи апаттан төнетін қауіпке қарсы 11 күнде 5 шақырым бөгеттің 2 шарымынан астам бөлігіне су өткізбейтін жабынды жауып, топырақ салынған қапшылықтарды қалап шықты. Аумақта университтетің 2 мыңнан астам ерікті студенті мен 200 қызметкері күнделікті екі аусыммен жұмыс істеп келеді. Бөгетті өзен арнасынан биік тұрғызуға “JМ Capital” компаниясының техникалары мен мамандары тәулік бойы қызмет етіп жүр. Сондай-ақ, соңғы үш күнде бөгетті бекемдеу жұмыстарына «Отар» әскери базасының сарбаздары да көмекке келді. Сүйікті қаламызды тасқын судан қорғайтын Алмалы ауылы маңындағы маңызыды әрі берік бөгеттің жұмысы алдағы күндерде жедел аяқталады. Төтенше жағдайға байланысты Атырау облысы әкімдігі барлық құрлымдарды, мекемелерді және техникаларды әрбір атыраулық азаматтың күшін біріктіріп, қауіпке қарсы жұмысылдыра білді. Күшіміз бірлікте! Атыраулықтар су тасқынына қарсы қауіпсіздік шараларын тиянақты әрі сәтті аяқтайды деп сенеміз!

Тізімге қайта оралу