Х.ДОСМҰХАМЕДОВ УНИВЕРСИТЕТІ БАСТАУЫШ СЫНЫП МҰҒАЛІМДЕРІНЕ UPGRADE КУРСТАРЫН ӨТКІЗДІ

Х.ДОСМҰХАМЕДОВ УНИВЕРСИТЕТІ БАСТАУЫШ СЫНЫП МҰҒАЛІМДЕРІНЕ UPGRADE КУРСТАРЫН ӨТКІЗДІ

Х.Досмұхамедов атындағы Атырау университеті әр жылдары бітірген түлектеріне Upgrade курстарын өткізді. Биыл оқу орны бастауыш сыныптарына дәріс беретін 19 мұғалімді оқытқан. Бұл оқу орнының білім беру саласына қажетті кадр даярлаудағы қоғамдық жауапкершілігін айқындайды.


80 сағаттық оқыту курсына қатысқан педагогтар оқушылардың білім беру нәтижелерін жақсарту үшін мұғалімдердің ІТ құзыреттілігін дамыту, эмоционалды интеллект, функционалдық сауаттылық, робототехника, 3D модельдеу және білім беру және бастауыш сынып сабақтарындағы геймификация, инклюзия және әртүрлілік сынды білім берудегі аса қажетті дәрістерді оқиды.


Педагогтарға арналған курсты Х.Досмұхамедов атындағы Атырау университетінің оқытушы-профессорлар құрамы дайындап, тегін оқытқан.


«Цифрлық оқыту ортасының сан қыры бар екеніне тағы бір көз жеткіздік. «Біліктілікті арттыру – үздіксіз дамудың негізгі кепілі» десек, теориямен бірге тәжірибелік сабақтардың бір-бірімен байланысын тағы бір нақтылап және бірнеше платформаны бір платформаға кіріктіруді үйрендік», - дейді №43 орта мектептің бастауыш сынып мұғалімі Э.Альдешова.


Курс соңында мұғалімдер қысқа мерзімді жоспар бойынша тәжірибелік сабақтар өтті. Сонымен қатар алған білімдерін іс жүзінде қолдануға мүмкіндік беретін практикалық жаттығулар мен жобалар жасаған. Университет курс тыңдаушыларына біліктілігін көрсететін арнайы сертификат табыстады.

ПІКІРЛЕР

Тізімге қайта оралу