Бүгін мемлекеттік білім гранты конкурсына құжат қабылдаудың екінші күні.

Бүгін мемлекеттік білім гранты конкурсына құжат қабылдаудың екінші күні.

Х.Досмұхамедов атындағы Атырау университетінде қабылдау комиссиясы қарқынды түрде жұмыс жасап, талапкерлердің өтініштерін қабылдауда.

Сандуғаш Ибраймқызы, ата-ана:
-Менің қызым Талапова Әсем осы Атырау қаласындағы «BINOM» мектебін аяқтап, Ұлттық бірыңғай тестілеуден 90 балл жинаған болатын. Осындай нәтижемен білім гранты конкурсына құжат тапсырудың екінші күні келіп, өзіміз таңдаған ЖОО-нына құжаттарымызды тапсырып шықтық. 2024 жылғы мектеп бітіруші түлектерге сәттілік тілей отырып, мемлекеттік грант иегелеріне атануларына тілектеспін!

Назым Асхатқызы, талапкер:
-Мен, Асхатқызы Назым Құлсары қаласынан келіп тұрмын. Осы жылы мектепті аяқтап, Ұлттық бірыңғай тестілеуден 98 баллға ие болдым. Конкурсқа қатыса отырып, Нархоз университетін таңдадым. Құжат тапсыру кезінде ешқандай қиындықтар болмады, қабылдау комиссиясының қызметкерлері барлығын толықтай түсіндіріп, дұрыс таңдау жасауыма септігін тигізді.

Айта кетейік, конкурсқа құжат тапсырудың бірінші күні университетке 392 талапкер келіп, 276 талапкер білім грантына конкурсқа қатысуға өтініш білдірген.

Сондай-ақ халқы тығыз орналасқан, батыс әрі жаңадан құрылған өңірлерден жастарды оқыту үшін 5 000 нысаналы грант бөлінді, оның ішінде Атырау облысынан келгендер үшін педагогикалық ғылымдар, математика және статистика, жаратылыстану ғылымдары, ақпараттық-коммуникациялық технологиялар, инженерлік, өңдеу және құрылыс салалары бойынша 1 500 грант бөлінді.

ПІКІРЛЕР

Тізімге қайта оралу