"Мемлекеттік қызмет" мектебінің жаңа маусымы басталды
Бүгін Х.Досмұхамедов атындағы Атырау университеті мен ҚР Мемлекеттік қызмет істері агенттігі Атырау облысы бойынша департаментінің бірлескен жобасы – «Мемлекеттік қызмет мектебі» жаңа маусымын бастады.
Маусым ашардың алғашқы кездесуіне Атырау университетінің басқарма төрағасы-ректор Саламат Идрисов пен ҚР Мемлекеттік қызмет істері агенттігінің Атырау облысы бойынша департаментінің басшысы Нұрлан Еркебаев қатысып, тыңдаушыларды мектептің нәтижелі жұмыстарымен таныстырып, студенттердің сұрақтарына жауап берді.
2018 жылы ашылған «Мемлекеттік қызмет мектебі» университетте нәтижелі жұмыс істеп келеді. Мектептің тыңдаушылары – мемлекеттік қызметтің тәжірибесін игеріп, қажетті машықтарды меңгеріп, аталған саланың майталман мамандарынан мемлекеттік қызметшіге қажетті дағдыларды үйренеді. Бұған дейінгі маусымдарда мектептен тәлім алған жүздеген түлектің барлығы да мемлекеттік қызметке орналасып, еңбек етіп жүр.
Жаңа маусымда «Мемлекеттік қызмет мектебінен» экономика және құқық факультетінің 25 студенті тәлім алады. Оларға ҚР Мемлекеттік қызмет істері агенттігіне қарасты өңірлік департаментінің қызметкерілері, өзге де мемлекеттік қызмет саласының тәжірибелі мамандары дәріс оқып, шәкірттердің тәжірибе жинақтауына атсалысады.
ПІКІРЛЕР