«Күміс университет» жобасы аясында жоспарлы жұмыстар жүзеге асуда
Х.Досмұхамедов атындағы Атырау университеті ҚР жоғары білім мен ғылымды дамытудың 2023-2029 жылдарға арналған тұжырымдамасына сәйкес Күміс университетінің бағдарламалары бойынша қызмет көрсету аясында «Күміс университет» жобасын одан әрі дамыту бойынша жоспарлы жұмыстар жүзеге асып келеді.
«Күміс университеті» - егде жастағы адамдардың өзін-өзі жетілдіріп, жаңа білім мен дағдыларды алып, өзіне деген сенімділікті арттыру және қала мен облыстың қоғамдық өміріне белсенді қатысу үшін қолайлы жағдай жасаушы жоба.
«Кадрларды қайта даярлау және біліктілікті арттыру» кеңсесінің жұмыс жоспарына сай «Күміс университеті» бағдарламасы аясында 2024 жылдың 19 қазан – 16 қараша аралығында «Тігін үйрену жолдары» тақырыбында Бейнелеу өнері және дизайн кафедрасының аға оқытушысы, магистр Э.М.Махметова курс өткізді.
Курс барысында киімді пішу, өлшемді алу жолдары, оны калькаға түсіру, маталарды қиып алу әдістері, маталардың түрлері, қасиеттері және оларды таңдаудың негіздері және басқа да тақырыптар бойынша практикалық жұмыстар жасалды.
Тігін өнеркәсібі – әлем экономикасының алдындағы үлесі мен салмағы жоғары кәсіп. Заманның басты талабына айналып отырған бұл курс өз мақсатына жетті.
Курс соңында қатысушыларға сертификаттар табысталды.
ПІКІРЛЕР