Ғалым – жазушы Қабиболла Сыдиықұлының туғанына - 90 жыл!
Х.Досмұхамедов атындағы Атырау университетінде ғалым – жазушы Қабиболла Сыдиықұлының 90 жылдығына арналған дөңгелек үстел өтті.
Қабиболла Сыдиықұлы - филология ғылымының кандидаты, ақын-жыраулар мұрасын, халық әндерін, ауыз әдебиеті нұсқаларын, шежірелер мен тарихи деректерді жинаған әдебиеттанушы-ғалым, сөз зергерлері мен әдеби, мәдени мұралар хақында жазылған 300-ден аса еңбектің авторы.
Дөңгелек үстел жиынына «Батыс өңірі жазушыларының шығармашылығын зерттеу» ғылыми-зерттеу орталығының жетекшісі, филология ғылымдарының докторы Қадыр Жүсіп, Х.Досмұхамедов атындағы Атырау университетінің құрметті профессоры, Қазақстан Жазушылар одағының мүшесі, Каспий өңірі ғылыми академиясының академигі Төлеген Жаңабаев, Қабиболла Сыдиықовтың шәкірттері Қаржаубай Сұлтанғалиев пен Хамза Ғабдуллин, Х.Досмұхамедов атындағы Атырау университеті қазақ тілі мен әдебиеті кафедрасының қауымдастырылған профессоры, филология ғылымдарының кандидаты Жайлы Балтоғаева және Х.Б.Табылдиев атындағы ҒЗИ-дың ғалымдары мен студенттер қатысты.
Іс-шарада Қабиболла Сыдиықұлының өмір жолы мен шығармалары талқыланып, құнды ақпараттар айтылып, дөңгелек үстелге қатысушылар ұсыныс-пікірлерін ортаға салды.
ПІКІРЛЕР