5 желтоқсан – Қазақстан Республикасы адвокатура күні
Х.Досмұхамедов атындағы Атырау университетінде Атырау облыстық адвокаттар алқасы төралқасының кеңейтілген көшпелі мәжілісі өтті.
Адвокаттар алқасының ұйымдастыруымен өткен жиынды Атырау облыстық адвокаттар алқасының Төралқа төрағасы Қайрат Демесинов ашып берді.
Республикалық адвокаттар алқасының Төралқа мүшесі Нұрлан Жолболов жиынға қатысушы заң қызметкерлерін 5 желтоқсан - Адвокатура күні мерекесімен құттықтай отырып, “Адвокаттық қызмет” оқу бағдарламасы жайында баяндама жасады.
Іс-шара барысында басқарма төрағасы-ректор Саламат Идрисов “Адвокаттық қызмет” бағдарламасын жасақтап, жүзеге асыру ісінде қолдау көрсеткені үшін университет ұжымы атынан Атырау облыстық адвокаттар алқасының Төралқа төрағасы Қайрат Демесиновке, республикалық адвокаттар алқасының Төралқа мүшесі Нұрлан Жолболовқа, заң ғылымдарының магистрі, адвокат Гүлнұр Ғалиеваға алғыс хаттар табыстады.
“Осы уақыт аралығында Атырау университетінен дәріс алған түлектеріміз бүгінде еліміздегі білікті де, беделді, адам құқығын қорғауда халықтың алғысына бөленген адвокаттардың көшін бастап келеді. Атырау университетіндегі білім беру бағдарламаларын жетілдіру мен студенттерді оқытуда Республикалық және облыстық адвокаттар алқасымен бірлесе жұмыс істеудің нәтижесінде «адвокатура және нотариалдық қызмет» мамандығында оқитын болашақ адвокаттарды дайындауда көптеген жетістіктерге жеттік” - деді университет ректоры С.Идрисов.
Жиында Атырау облыстық Әділет департаментінің басшысы Асұлан Каримов, Атырау облыстық адвокаттар алқасының құрметті адвокаты Айсұлу Умарова, Х.Досмұхамедов атындағы Атырау университетінің ректоры Саламат Идрисов құттықтау сөз сөйледі.
Адвокаттар алқасының Көшпелі мәжілісінде университет ректоры Саламат Идрисов "Адвокатура қызметі" білім бағдарламасының ашылуына қосқан үлесі және қолдауы үшін "Адвокаттық қызмет" төсбелгісімен және
“Адвокатураны дамытуға қосқан үлесі үшін” республикалық деңгейдегі төсбелгімен марапатталды.
ПІКІРЛЕР