Мерейтой иесіне құрмет көрсетілді
Х.Досмұхамедов атындағы Атырау университеті «математика және математиканы оқыту әдістемесі» кафедрасының қауымдастырылған профессоры, педагогика ғылымдарының кандидаты, ұлағатты ұстаз Серік Өтепқалиұлының 70 жасқа толуына орай ғылыми кеңес өткізілді.
Саламат Нұрмұханұлы ғылыми кеңес кезінде білім саласында өзіндік қолтаңбасын қалдырған мерейтой иесіне жүрекжарды тілегін арнап, «А.Байтұрсынов» атындағы алтын медалі мен құттықтау хатын табыстады.
Іс-шара барысында Ресей жаратылыстану ғылымдары академиясының және Қазақстан Республикасы Ұлттық инженерлік академиясының корреспондент-мүшесі, Халықаралық ақпараттандыру академиясының академигі Салтанбек Талапеденұлы халықаралық ақпараттандыру академиясының толық мүшелігіне өткендігін растайтын куәлік пен төсбелгісін табыстады. Сонымен қатар, Серік Өтепқалиұлы Халықаралық ғалымдар, оқытушылардың қауымдастығы Ресей Жаратылыстану академиясының «За верность традициям отечественного образования» медалімен, «2022 жылдың үздік маманы», «Бөбек» жалпыұлттық қозғалысы бірлестігінің «Лучший педагог СНГ-2022» атағымен, Атырау облыстық және Құрманғазы аудандық мәслихаттарының Алғыс хаттарымен марапатталды.
Жиын соңында Серік ¬Өтепқалиұлы елдің мүдессі үшін қызмет жасау, білікті де білімді маман даярлау үлкен бақыт екенін айтып, көрсетілген құрметке өз алғысын білдірді.
ПІКІРЛЕР