01.12.2022 205

1 желтоқсан күні Х.Досмұхамедов атындағы Атырау университетінің «Математика және математиканы оқыту әдістемесі» кафедрасының қауымдастырылған профессоры, педагогика ғылымдарының кандидаты Өтепқалиев Серік Өтепқалиұлының 70 жас мерейтойына орай «Жоғары және орта білім берудің заманауи өзекті мәселелері» атты ғылыми-тәжірибелік семинары өтті. Семинарға орта және жалпы білім беру мектептерінің оқытушылары, ЖОО профессор-оқытушылар құрамы, студенттер, жас ғалымдар, магистранттар бас қосып, қазіргі таңдағы заман талабына сай физика, математика пәнінің маңыздылығын, білім сапасын арттырудың өзекті мәселелері туралы ойларын ортаға салды.
Сонымен қатар оқытушылардың математикалық сауаттылығын қолға алу, математикалық тұжырымдама шеңбер арқылы есеп шығару, білім беру саласының барлық жақтарына түлектерімізді дайындап, бақылау жасауды тілге тиек етті. 
Мазмұнды жиында орта білім беретін мектептерде жаратылыстану пәнінің жетіспейтіндігі, осыған байланысты қала, ауыл мектептерінде кәсіби бағыт бағдар беру жұмыстарын жүйелі түрде жүргізіп, бұл саланы дамытуды қолға алу керектігін, яғни үштік одақ арқылы байланысты нығайту туралы өз ұсыныстарын айтты. Сондай-ақ, ғылыми бағытта ұйымдастырылып жүрген үйірмелерді бір жерге жүйелеп, топтасырып жақсы маман дайындауға әрекет етуді алға тартты.

Тізімге қайта оралу