- Басты бет
- МЕДИА-РЕСУРСТАР
- Жаңалықтар
- «Сенің сәтің» республикалық студенттер форумының ашылуы өтті
«Сенің сәтің» республикалық студенттер форумының ашылуы өтті
Қазақстан Республикасы Ғылым және жоғары білім министрлігі қолдау көрсеткен форумға басқа облыстан арнайы шақыртылған жоғары оқу орындарының студенттері, профессор – оқытушылар құрамы мен БАҚ өкілдері қатысты.
Форумның мақсаты – еліміздегі жастардың ынтымағын арттырып, олардың бойында ұлттық құндылықтар мен жаңаша ойлау дағдыларын қалыптастырып , университет жастары арасында достық қарым-қатынас орнату.
Атырау университетінің Басқарма төрағасы – ректор Саламат Нұрмұханұлы шараға келген қонақтар мен студенттерді қарсы алып, форумның ашылуын жариялады. «өздеріңіздей білімді де, белсенді жастардың саны артса, біздің еліміздің келешегі кемел, болашағымыз айқын болатынына ешқандай күмән жоқ. Бүгінгі форум еліміздің барлық өңірінен келген өздеріңіздей жастардың басын біріктіріп қана қоймай, жастар қозғалысына жаңа бір серпін, тың идеялар мен ұсыныстар әкеледі »,-деді.
Жастар форумына арнайы келген Атырау қаласының басшысы Мейірім Қалауи студентерге бүгінгі жиында сәттілік тілеп, көшбасшы студенттердің арасынын мемлекетіміздің дамуына өз үлестерін қосатын болашақ мықты тұлғалардың барына нық сенім білдірді.
Сондай – ақ, ҚР Ғылым және жоғары білім министрлігінің жоғары және жоғары оқу орнынан кейінгі білім комитетінің төрағасының орынбасары Ақерке Абылайхан студенттерге үлкен сенім білдіріп, елдің келешегіне айналар жастардың жұмысына министрлігтің әрқашан қолдау білдіретінін жеткізді.
Әр аймақтан жиналған белсенді студенттердің басын бір арнаға тоғыстырған "Сенің сәтің" республикалық форумында Атыраудың таланттары күмбірлетіп күй ойнап, бишілер мен әншілер өз өнерлерін көрсетіп, арнайы дайындаған концерттік бағдарламасын көрсетті.
Айта кетейік, форум жұмысына сәйкес бүгін Айсұлу Ерниязова, Динара Болат, Марат Бексұлтанұлы тренинг өткізеді
Ұқсас материалдар
«ЖАҢАРУ» ЖЕМҚОРЛЫҚҚА ҚАРСЫ КҮРЕСУДЕ
28 Мар 2024
38
Ғылыми кеңестің кезекті отырысы өтті
27 Мар 2024
24
Студенттер баскетболдан жаңа білім алды
27 Мар 2024
27
Ұлыс оң болсын, ақ мол болсын!
24 Мар 2024
73
ПІКІРЛЕР