- Басты бет
- МЕДИА-РЕСУРСТАР
- Жаңалықтар
- Министр жанындағы студенттік кеңестің отырысы өтті
Министр жанындағы студенттік кеңестің отырысы өтті
Министр ең бірінші Х.Досмұхамедов атындағы Атырау университетіне қарасты апаттық деп танылған №2 жатақхананың жағдаймен танысты. Қазіргі уақытта студенттер облысымыздағы басқа да оқу орындарының жатақханасына орналастырылып, аталған орындармен жыл аяғына дейін келісім-шарт жасалған. Мамандар ғимараттың жағдайын сараптамалық тексеруден өткізу жұмыстарын жүргізуде.
Сонымен қатар, Саясат Нұрбек Атырау университеті жанынан құрылған ер балаларға арналған «Ұстаз» мектеп интернатының оқушыларымен жүздесіп, болашақ мұғалімдердің жай-күйін біліп, оқушыларға дәріс оқыды. Мектепте аудандардан жиналған 100-ге жуық 10-11 сынып оқушылары тегін білім алуда. «Ұстаз» - келешекте педагогика мамандығын игеріп, білім жүйесіндегі ер мұғалімдердің тапшылығын азайтуға үлес қосуды мақсат етеді.
Болашақ мұғалімдермен емін-жарқын өткен жүздесу Х.Досмұхамедов атындағы Атырау университетінің профессор-оқытушылар құрамының кездесуімен жалғасты. Кездесу барысында министр ғылым және білім саласындағы өзгерістер мен алда атқарылатын мақсат-жоспарлармен бөлісті.
«Қазіргі таңда ғылым және жоғары білім саласын дамытуға орай жеті жылдық тұжырымдама дайындалуда. Соның аясында жоғары білім саласына 7,5 млрд доллар бөлінетін болады. Бұл қаражат жаңа оқу ғимараты мен жатақханалардың бой көтеруіне, лаборториялық орындардың ашылуына және инфрақұрылымдардың дамуына негіз болады. Сондай-ақ, басымдылық өңірлердегі жоғары оқу орындарына бөлінеді», - деді министр.
Республикалық «Сенің сәтің» форумы аясында Саясат Нұрбек ҚР Ғылым және жоғары білім министрлігі жанындағы студенттік кеңестің отырсына қатысты. Әр аймақтан жиналған белсенді студенттердің басын қосқан шарада министр ғылым, білім жолындағы маңызды ақпараттармен бөлісіп, белсенді студенттердің ұсыныс-пікірлерін тыңдады.
Ұқсас материалдар
«ЖАҢАРУ» ЖЕМҚОРЛЫҚҚА ҚАРСЫ КҮРЕСУДЕ
28 Мар 2024
44
Ғылыми кеңестің кезекті отырысы өтті
27 Мар 2024
24
Студенттер баскетболдан жаңа білім алды
27 Мар 2024
30
Ұлыс оң болсын, ақ мол болсын!
24 Мар 2024
73
ПІКІРЛЕР