БҰҰДБ өкілдерімен жобалық құжатты әзірлеу бойынша кездесу өтті

БҰҰДБ өкілдерімен жобалық құжатты әзірлеу бойынша кездесу өтті

Х.Досмұхамедов атындағы Атырау университетінде Біріккен Ұлттар Ұйымы Даму бағдарламасы (БҰҰДБ) өкілдерімен «Каспий теңізінің қазақстандық бөлігінің және оған іргелес аумақтардың теңіз және жағалау ресурстарын кешенді басқару» бастамасы аясында жобалық құжатты әзірлеу бойынша кездесу өтті.
Делегация сапарының негізгі мақсаты – Каспий теңізінің негізгі түрі мен экожүйелерін сақтау үшін кешенді экожүйелік тәсілді енгізуге, сондай-ақ аймақтың тұрақты экономикалық дамуы үшін жағдай жасауға бағытталған жобаның әлеуетті серіктестерімен және іске асырушыларымен келіссөздер жүргізу. Жобаны БҰҰДБ ҚР Экология және табиғи ресурстар министрлігімен және ҚР Ауыл шаруашылығы министрлігінің балық шаруашылығы комитетімен бірлесіп жүзеге асыруда.
Университеттің профессор-оқытушылар қауымы қатысқан жиында GPZU қызметін үйлестіру, ақпараттық-ағарту жұмыстары және мүдделі тараптармен өзара іс-қимыл жөніндегі жетекші сарапшы Булат Есекин, Су ресурстарын басқару жөніндегі маман Арман Өтепов, әлеуметтік және экологиялық стандарттар бойынша маман Майра Жүнісова, биологиялық әртүрлілік және ерекше қорғалатын табиғи аумақтар жөніндегі маман Саида Нигматова, Тұрақты мал шаруашылығы және жайылымдарды басқару жөніндегі маман Бақтияр Садық, Табиғат туризмі және тұрақты өмір сүрудің сарапшысы Шолпан Әбдіреева, Гендерлік мәселелер және кепілдіктер жөніндегі маман Майгүл Нұғманова, БҰҰДБ бағдарламасының аналитигі Алуа Байжомартова, БҰҰДБ жобаларының аналитигі Арай Белгубаева сынды кәсіби мамандар жобаны таныстырып, атқарылатын жұмыстар жөнінде ақпараттармен бөлісті.
Шарада қатысушылар делегация мүшелеріне бастама аясында сұрақтар қойып, Х.Досмұхамедов атындағы Атырау университеті базасында жүзеге асып жатқан экологиялық жобаларды таныстырды.
Іс-шара соңында Атырау өңіріндегі экологиялық мәселелер, балық шаруашылығы, туризм мәселелері төңірегінде ашық пікірталас өрбіді.

ПІКІРЛЕР

Тізімге қайта оралу