Х.Досмұхамедов атындағы Атырау университетінің №2 Студенттер үйінде Ғылыми кітапханамен бірлесіп студенттік кеңес жұмыс жоспарына сәйкес KITAP time жобасы бастау алды. Жоба аясында студенттер оқуға ұсынылған кітаптарын қорытындылап, мазмұнымен бөлісіп, кітап оқудың маңыздылығына тоқталды. Қатысушы спикерлер студенттерге өз оқыған шығармаларының желісі бойынша өзіндік кеңестерін, кітап оқуға түрткі болған жайттарымен бөлісті. Үздік оқырман үшін қонақтар "Бейсен және болмыс" кітабын сыйға тартты. Қатысушылар спикерлерге сауалдарын жолдап, бірқатар ұсыныстарын білдірді. Ғылыми кітапхана мен кітап клубының жетекшілеріне қазақтың ұлттық салт-дәстүріне негізделген отбасы хрестоматиясын кеңінен насихаттауды ұсынды. Сонымен қатар ғылыми кітапхана басшылығы студенттер қауымына алдағы жоспарларын хабарлады. Жұмыстан соң, уақытын студенттерге арнаған "Мирасқор" ҚҚ жетекшісі Амандық Бағытұлына, Логотерапия алаңы төрайымы Ақбидай Таңатқызына, ғылыми кітапхана басшысы Мұратбек Қонысқалиұлы мен гуманитарлық ғылымдар және өнер факультетінің декан орынбасары Жадыра Қадырбекқызына алғысымызды білдіреміз.

Тізімге қайта оралу