Х.Досмұхамедов атындағы Атырау университетінде «Түнгі кітапхана» жобасы аясында "Отбасы хрестоматиясы" қоғамдық қорының сарапшысы, психолог Сейілбек Мырзабайдың «Балалықтан даналыққа" атты кітабының тұсаукесер рәсімі өтті. Кітап сүйер қауыммен кездесуге Атырау облысы Білім беру басқарма басшысы Гүлнар Садуахасова, «Мирасқор» қоғамдық қорының жетекшісі Амандық Есқали және университеттің профессор-оқытушылар құрамы мен студенттері қатысты. "Бұл кітапты ата-аналар мен мектеп мұғалімдеріне арнап жаздым. Қазіргі таңда жасөспірімдер арасында болып жатқан түрлі жағымсыз жағдайларға қоғам бір-бірін кінәлап жатады. Осы проблемаларды көре отырып, осы кезге дейін алған білімдерімді қорыта келе ата-аналар мен мұғалімдердің міндеттерінің аражігін ажырата отырып, осы еңбекті жазып шығардым,- дейді автор Сейілбек Саттарұлы. Айта кетейік, «Түнгі кітапхана» жобасы оқырмандардың кітапқа деген қызығушылығын арттыру және студенттердің кешкілік уақытта өзіндік жұмыс жасау мақсатында түнгі сағат 12:00-ге дейін жұмыс істейді.

Тізімге қайта оралу