26.04.2024 173

2024 жылдың 11 сәуірі мен 14 сәуірі аралығында АҚШ, Пенсильвания штаты Филадельфия қаласында AERA - Американдық білім беруді зерттеу қауымдастығының жыл сайынғы ұйымдастырылатын халықаралық кездесуі өтті. Бұл шара Америкадағы ең ірі конференциялардың бірі, оған 51 елден шамамен 14200-ге жуық зерттеушілер мен қатысушылар қатысты және 2600дей баяндама оқылды. 2023 жылдың шілде айында ұсынылған халықаралық жоба аясындағы баяндама конференция секциясының баяндамалар тізіміне сәтті қабылданған болатын, тақырыбы «Arts-based learning assistance to displaced children: Case of Atyrau Kids' University in Kazakhstan (Қоныс аударған балаларды өнерге негізделген оқуға көмек беру: Қазақстандағы Атырау балалар университетінің мысалы ретінде)». Конференцияға Х.Досмұхамедов атындағы Атырау университеті жанынан халықаралық жыл сайынғы кездесуге жоба мүшелері Л.Е.Койшигулова, А.У. Муханбетжанова, А.А.Султангубиева қатысты. Солтүстік Америкадағы осы үлкен және маңызды іс-шарада зерттеу жұмысымыздың баяндамасы қабылданғандығы біздің зерттеуіміздің қызығушылығы мен сапасының дәлелін білдіреді. Конференцияның ашылуында ассоциация бұрынғы президенті Tyrone Howard (University of California, Los Angeles) сөз алып бастап, барлық келген қатысушыларға ризашылығын білдірді және ол 4 жылға ұласқан орнын тапсырып, жаңа Президенті Janelle Scott Howard (University of California, Berekeley) таныстырды. Одан кейін сөзді АҚШтың жергілікті аборигені сөз алды, соңғы сөзді жаңа Президенті Janelle Scott Howard «Нәсілдіктердің білім алудағы әділетсіздіктері» туралы баяндама жасады. 13 сәуір күні жоба аясында Канада, Қазақстан, Иордания зерттеушілерінің баяндамалары тыңдалды. Қазақстан тарапынан жасалған жоба аясындағы зерттеу бойынша баяндамасын жоба жетекшісі А.А.Султангубиева және Canada West University-нің профессоры А.С. Шилібекова ұсынды. 2019 жылы Атырау университетінде Сириядан Қазақстанға қоныс аударған балаларға оқуға көмектесу тәжірибесін зерттеді. Ең маңыздысы Атырау университетіндегі «Балалар университеті» пилоттық бағдарламасы арқылы осы балаларға оқу көмегін әзірлеу және кезеңдер, қиындықтар және негізгі сабақтарды қамтыды. Зерттеу нәтижелері Атырау балалар университетінде өнерге негізделген оқуға көмектесу мүмкіндігі шектеулі балаларды қолдауда тиімді екенін көрсетті. Бейнелеу өнерін, музыканы және драманы қолдануда балаларды қызықтыруға және олардың оқуын ынталандыруға көмектесті, сонымен бірге эмоционалды көрініс үшін терапиялық емдік құралдарда қолданылды. Бұл зерттеу қоныс аударған балалармен жұмыс жасайтын немесе зерттейтін басқа мекемелер үшін құнды сабақтар ұсынылады және осы балалардың ерекше қажеттіліктерін қанағаттандыратын арнайы қолдаудың маңыздылығын көрсетеді. Баяндама соңында баяндамашыларға сұрақ қойып, талдау жасалынды. Конференцияның мақсаты зерттеушілерден түскен баяндамаларды тыңдап, ортаға салып, талдау болып табылады. Әр келген қатысушы, өзі қызыққан тақырыптар бойынша секцияларға қатысады. Қатысушылардың білімге, ғылымға деген қызығушылығы зор екенін аңғаруға болады. Әр көтерілген тақырыпқа өте белсенділікпен тыңдап, сұрақтар қойылды.

Тізімге қайта оралу