Қайрғалиева Г.Қ. 0123РКИ0197 Нарын құмында жаңа археологиялық объектілер мен артефактілерді анықтау барлау және зерттеу.

ЖОБАНЫҢ ҚЫСҚАША СИПАТТАМАСЫ

1.Тақыбыры: Нарын құмында жаңа археологиялық объектілер мен артефактілерді анықтау: барлау және зерттеу.

2. Аннотация

 Жоба негізінде Атырау облысының Исатай, Құрманғазы аудандарының территорияларын алып жатқан Нарын құм-шағылында жаңа тарихи-мәдени ескерткіштерді және артефактілерді анықтау мақсатында археологиялық барлау-зерттеу жұмыстары жүргізіледі. Солтүстік Каспий маңы ойпатында орналасқан Нарын құм-шағылында археологиялық тарихи-мәдени ескерткіштер, артефактілер жиі және географиялық ерекшелігіне байланысты көпшілік жағдайда ашық түрінде кездеседі. Жоба негізінде анықталған тарихи-мәдени ескерткіштер өлке тарихын толықтырып, тарихи-мәдени артефактілер университеттің ғылыми базасын толықтыруға мүмкіндік береді. Анықталған тарихи-мәдени ескерткіштердің топографиясы сызылып, артефактілерге анықтама беріледі.

2.1. Кіріспе бөлім [100 сөзден артық емес]

   Университетішілік ғылыми жобаларды қаржыландыруға ұсынылып отырған жоба тақырыбының барлау-зерттеу территориясы тас, палеометалл, ерте темір және орта ғасырларда тайпалар мен халықтар жүйелі түрде мекендегенін аймақтан анықталған жүздеген тұрақтар, кездейсоқ табылған артефактілер дәлелдейді.  
  Жобаның зерттеу шеңберіндегі Нарын құмы бойынша археологиялық барлау-зерттеу негізінде Солтүстік Каспий маңының тас, палеометал, ерте темір және орта ғасыр дәуірі бойынша тың жаңалықтар жасалады.

2.2. Жобаның мақсаты [50 сөзден артық емес]

    Нарын құмында археологиялық барлау-зерттеу жұмыстарын жүргізу арқылы жаңа археологиялық ескерткіштерді, артефактілерді анықтау. Алынған материалдық заттар бойынша апробациялық жұмыстар жүргізу, тарихи-мәдени ескерткіштердің топографиясын сызу, мәдени қатыстылығын айқындау.

2.3. Жобаның міндеттері [400 сөзден артық емес]

  Жобаның зерттеу аясы шеңберінде төмендегіше міндеттер атқарылады.
- Белгіленген территория бойынша археологиялық барлау-зерттеу жұмыстарын жүргізу;
- Жоба барысында анықталған тарихи-мәдени ескеркіштерге және артефактілерге археологиялық зерттеу жұмыстарын жүргізу;
- Тарихи-мәдени ескерткіштерінің ерекшеліктерін, хронологиясын және этномәдени интерпретациясын анықтау негізінде материалдарды жинақтау, жүйелеу және талдау;
- Рухани және материалдық мәдениеттің жаңадан алынған материалдарын жүйелеу, хронологиясын анықтау және талдау;
- Тарихи-мәдени ескерткіштерді жасаған тайпалар мен халықтардың материалдық, рухани мәдениеті және басқа да дәстүрлерінің трансфармациялану ерекшеліктерін фиксациялау;
- Web of Science деректер базасында Arts and Humanities Citation Index немесе Social Science Citation Index-те индекстелетін немесе Scopus деректер базасында CiteScore бойынша кемінде 35 (отыз бес) процентилі бар ғылыми басылымдарда кемінде 1 (бір) мақала немесе рецензияланған шетелдік және (немесе) БҒСҚК ұсынған отандық басылымдарда 1 (бір) мақала немесе шолу публикациялау.

№9-Каиргалиевна.

Тізімге қайта оралу