Мугауина Г.О. 0123РКИ0212 Бастауыш сыныптағы ерекше білім беруді қажет ететін балаларды психологиялық-педагогикалық сүйемелдеу негіздері

БАСТАУЫШ СЫНЫПТАҒЫ ЕРЕКШЕ БІЛІМ БЕРУДІ ҚАЖЕТ ЕТЕТІН БАЛАЛАРДЫ ПСИХОЛОГИЯЛЫҚ-ПЕДАГОГИКАЛЫҚ СҮЙЕМЕЛДЕУ НЕГІЗДЕРІ

Тіркеу нөмері:       0123РКИ0212

Жоба жетекшісі:    Мугауина Гулбарам Олжабаевна

ҚОСЫМША 1

ЖОБАНЫҢ ҚЫСҚАША СИПАТТАМАСЫ

1.     Жоба тақырыбының атауы [20 сөзден аспайды].

Бастауыш сыныптағы ерекше білім беруді қажет ететін балаларды психологиялық-педагогикалық сүйемелдеу негіздері

2.     Жобаның рефераты (конспектісі) [250 сөзден аспайды].

Заманауи өркениетті әлемдегі жалпы қоғамда жалпыадамзаттық моральға және әлеуметтік әділеттілік талабына сәйкес балаларды білім беруде кемсітуге жол берілмейтінін түсінуде. Осыған орай, әлемдегі қоғамдастық нәсілдік, этникалық, жыныстық, физикалық, психикалық және басқа да айырмашылықтарына қарамастан барлық адамдардың құқықтарының теңдігі қағидатын басшылыққа ала отырып, БҰҰ-ның халықаралық құқықтық актілерінде инклюзивті білім берудің негізгі қағидаттарын бекіткен болатын.

Осы тұрғыда, Қазақстан Республикасының заңнамасында «Балалардың құқықтарын қорғау саласындағы халықаралық құжаттарға сәйкес ерекше білім беру қажеттіліктері бар тұлғалар (балалар) ұғымы және барлық білім алушылардың жеке мүмкіндіктерін ескере отырып, сапалы білім алуға тең құқықтар қағидаты» енгізілді.

Елімізде білім беру ұйымдарындағы инклюзивті білім беруді дамыту жағдайында әлеуметтік және психологиялық-педагогикалық қолдау бірқатар мәселелерге, атап айтқанда әлеуметтік сипатқа немесе білім алушының психофизикалық жағдайының ерекшеліктерінің болуы өзекті мәселелердің бірі болып табылады.

Инклюзивті білім беру дегеніміз - оқушылар мен қауымдастықтарды оқытудағы сипаттамалар мен үміттерді және әртүрлі қажеттіліктер мен қабілеттерді ескере отырып, барлығына сапалы білім беруді қамтамасыз етуге, кемсітушіліктің барлық түрлерін жоюға бағытталған жалпы білім беруді дамытудың үздіксіз процесі деп білеміз.

Біз жобамызда ерекше білім беру қажеттіліктері бар балалармен бастауыш сынып мұғалімдері жұмыс жасауына және оқушылардың шығармашылық қабілеттерін жетілдіреміз. Сонымен бірге, ерекше білім беру қажеттіліктері бар балаларды мектепте болған алғашқы күндерден бастап сыныптық және жалпы мектептік іс-шараларды дайындауға және өткізуге белсенді қатыстыруға көмектесу. Осылайша, бастауыш сыныптағы ерекшесі бар балаларға жан-жақты және құзыретті көмек көрсету мақсатында жалпы білім беретін мектепте басшының бұйрығы негізінде психологиялық-педагогикалық қолдау қызметі құрылады. Сүйемелдеу қызметі бастауыш сынып мұғалімдерінің кәсіби өзара іс-әрекеті психологиялық-педагогикалық консилиум арқылы жүзеге асырылады. Онда білім беретін мекемелердегі мамандар (бастауыш мектеп мұғалімдері, әлеуметтік педагогтар, тьюторлар, психологтар) баланы оқыту мен тәрбиелеу проблемаларын, әр баланың диагностикасының нәтижелерін, дамудың әлеуметтік жағдайын талқылауды және психологиялық-медициналық-педагогикалық кеңестің ұсынымдарын ескере отырып, білім беру бағытын анықтайды, жеке даму бағдарламаларын жасайды. Жалпы бастауыш сыныпта ерекше білім беруді қажет ететін балаларды психологиялық-педагогикалық сүйемелдеуде оқу-тәрбие процесінің барлық қатысушыларына көмек пен қолдаудың ерекше түрі болып табылады. Бұл әр баланың мүмкіндіктері мен қажеттіліктеріне сәйкес табысты оқуы мен дамуы үшін әлеуметтік-психологиялық және педагогикалық жағдайлар жасайтын бастауыш сынып мұғалімдерінің  біртұтас, жүйелі ұйымдастырылған қызметтері ұсынылады.

Жобаны іске асыру барысында күтілетін нәтижелер:

-       Бастауыш сыныптағы ерекше білім беруді қажет ететін балаларды психологиялық-педагогикалық сүйемелдеуде бастауыш сынып мұғалімдеріне әдістемелер және кәсіби есептілік, кері байланыс нысандары әзірленеді;

-        Бастауыш сыныптағы ерекше білім беруді қажет ететін балаларды психологиялық-педагогикалық сүйемелдеу негіздерінде педагогикалық шарттары айқындалады.

-       Бастауыш сыныптағы ерекше білім беруді қажет ететін балаларды психологиялық-педагогикалық сүйемелдеу негіздерінің моделі жасалынады;

-       Бастауыш сынып мұғалімдеріне «Ерекше білім беруді қажет ететін балаларды  оқытудағы педагог-ассистенттің қызметі» атты педагогикалық кадрлардың біліктілігін арттыру курсының оқу бағдарламасы әзірленіп және жүргізіледі.

-       Бастауыш сыныптағы ерекше білім беруді қажет ететін балаларды психологиялық-педагогикалық сүйемелдеу негіздеріне сәйкес бастауыш сынып мұғалімдерінің эксперименттік-тәжірибелік жұмыста тиімділігі анықталады.

3.     Жобаның мақсаты мен міндеттері [250 сөзден аспайды].

Бастауыш сыныптағы ерекше білім беруді қажет ететін балаларды психологиялық-педагогикалық сүйемелдеу тұрғысынан бастауыш сынып мұғалімдерін дайындау.

Жобаның міндеттері:

1)    Бастауыш сыныптағы ерекше білім беруді қажет ететін балаларды психологиялық-педагогикалық сүйемелдеудің теориялық-әдіснамалық негіздерін анықтау.

2)    Бастауыш сыныптағы ерекше білім беруді қажет ететін балаларды психологиялық-педагогикалық сүйемелдеу негіздерінің педагогикалық мүмкіндіктерін айқындау.

3)    Бастауыш сыныптағы ерекше білім беруді қажет ететін балаларды психологиялық-педагогикалық сүйемелдеу негіздерінің моделін жасау;

4)    «Ерекше білім беруді қажет ететін балаларды  оқытудағы педагог-ассистенттің қызметі» атты педагогикалық кадрлардың біліктілігін арттыру курсының оқу бағдарламасын әзірлеу және жүргізу.

5)    Бастауыш сыныптағы ерекше білім беруді қажет ететін балаларды психологиялық-педагогикалық сүйемелдеу негіздерін сәйкес эксперименттік-тәжірибелік жұмыста тексеру, тиімділігін анықтау, қолданысқа енгізу. 

№12-Мугауина Г

Тізімге қайта оралу