Ғылыми кафе отырыстары
12 наурыз 2019 жылы №4 оқу ғимратында орналасқан ISPACE орталығында 5В030100 – Құқықтану мамандығы студенттері мен университет оқытушыларына арналған: «Әл-ауқатты қоғам: онжылдықтың 10 мақсаты»: «Нур Отан» партиясының 2030 жылға дейінгі бағдарламасы, тақырыбында лекция ұйымдастырылды.
Лектор ретінде - «Нур Отан» партиясының Атырау қалалық филиалының Бақылау комиссиясының төрағасы, тарих ғылымдарының кандидаты Турдалиев Әділбек Олжабайұлы дәріс оқыды.
Лекция барысында «Нур Отан» партиясының болашақ даму жолдары талқыланып, алдағы онжылдықта партия алдына қойылған он міндет талқыланды. Сонымен бірге, дәріс барысында партияның әлеуметтік бағдарламасы, білім беру, денсаулық сақтау мәселелеріндегі ұстанымдары таныстырылып, бағдарламаның негізгі мақсаты әрбір қазақстандықтың өмір сүру деңгейін сапалы арттыру үшін елді жүйелі жаңғырту екендігі аталып өтті. Осыған орай, "Нур Отан" партиясы еліміздің Президенті, партия Төрағасы бастамашылық еткен барлық стратегиялық бағдарламаларды іске асыруға белсенді түрде қатысып келеді. "Нур Отан" партиясының 2030 жылға дейінгі бағдарламасы дамыған 30 елдің қатарына кіру үшін мемлекетті реформалаудың тексерілген және тиімді тәсілі болып табылатын 5 институционалдық реформаларға негізделеді. "Нур Отан" партиясы еліміздің жетекші саяси күші ретінде халқымыздың бірлігіне, еліміздің өркендеуіне және әрбір қазақстандықтың әл-ауқатына жұмыс істеуді жалғастыра беретіндігі баса айтылды.
Лекцияға қатысушылар лектордың қызықты лекциясына, әсіресе партияның білім беру саясаты барысына қызығушылық танытты. Лекция барысында студенттер қауымы партия бағдарламасының негізгі мақсаттарын талқылап, саяси ұйымның әлеуметтік саясатына өзіндік баға берді. Оқытушылар мен студенттер тақырыптың барлық тараптарын талқылауға белсенділік көрсеткен лекторға өз ризашылығын білдіріп, болашақта жаңа тақырыптармен тыңдаушыларды қызықтыра беруге шақырды.
«Құқықтану» кафедра болашақта, үнемі осындай қызықты саяси-информациялық тақырыптарда лекциялар өткізуге мүдделі.