Х. Досмұхамедов атындағы Атырау университеті әскери кафедрасы

       

Мақсаты: 1. Осы Запастағы офицерлер мен запастағы сержанттар бағдарламалары бойынша әскери дайындық қағидалары (бұдан әрі – қағидалар) әскери оқытылған резервті әскери даярлау тәртібін айқындау.
2. Азаматтарды запастағы офицерлер бағдарламасы бойынша әскери қызметке әскери даярлау Қазақстан Республикасының әскери оқытылған резервін қалыптастыру, сондай-ақ Қазақстан Республикасы Қарулы Күштері (бұдан әрі – ҚР ҚК) офицерлер құрамының бастапқы лауазымдарын қосымша жасақтау мақсатында алатын жоғары кәсіптік білім негізінде әскери-есептік мамандықтар бойынша жүзеге асыру.

Бағыты:   Әскери кафедраның бағыты мыналар:
-  болашақ мамандарды әскери қызметшілермен жұмыстың теориялық негіздерімен қаруландыру, бөлімшеде тәрбие және оқу процесін ұйымдастыру үшін қажетті педагогикалық білімді, іскерлікті және дағдыларды үйрету.
- әскери қызметшінің кәсіби қызметі және оның кәсіби өзін-өзі дамуы туралы білім мен құзыреттілік жүйесін, сондай-ақ командалық және әдістемелік дағдыларды қалыптастыру.
-  кафедрада ҚР Қорғаныс министрлігі басшылығының заманауи талаптарына сәйкес офицер кадрларын даярлау және оқыту жүйесін құру.

Мамандығы: Әскери кафедра студенттерді 2023-2024 оқу жылдары келесі мамандық бойынша дайындық жүргізілуде:
-   «Әскерлердің қызметін ұйымдастыру және қауіпсіздік пен құқықтық тәртіпті қамтамасыз ету үшін бөлімшелерді қолдану»;
- «Жалпы әскери бөлімшелерді, бөлімдер мен құрамаларды жауынгерлік қолдану»
-   «Аумақтық қорғанысты жоспарлау және ұйымдастыру»
-   «Атқыштар»

Материалдық  базасы:

1) оқу-жаттығу қару-жарағы мен әскери техникасы, зертханалық жабдық, оқу-жаттықтыру құралдары, техникалық оқыту құралдары, көрнекі құралдар және басқа да әскери оқу-жаттығу мүлкі;
2) дәрісханалар, сыныптар, кабинеттер, зертханалар, кітапханалар, оқытушылар бөлмелері, қаруды, әскери-техникалық мүлікті сақтауға және басқа да қосалқы оқу-жаттығу үй-жайлары;
3) арнайы оқу-жаттықтыру кешендері, оқу-жаттығу қалашықтары (тактикалық, оқ ату, инженерлік даярлық, радио-химиялық және бактериологиялық қорғану, қарауылдық, радиополигондар), оқ ату тирлері, саптық плацтар және жалпыәскери және арнайы даярлық бойынша бағдарламаларды пысықтауға арналған басқа да объектілер;
4) оқу-жаттығу шеберханалары, автомобиль гараждары, парк элементтері, әскери техникаға, аспаптарға, әскери оқу-жаттығу және басқа да мүлікке арналған сақтау орындары;
5) оқу құралдары, оқу-әдістемелік құжаттар болып табылады.

Ережелер: Әскери кафедрада оқыту үшін студенттерді іріктеуді жыл сайын іріктеу комиссиясы конкурс негізінде қабылдау жоспарына сәйкес жүргізеді.
      Әскери кафедраның құжаттарды қабылдауы іріктеу комиссиясының жұмысы басталғанға дейін 10 жұмыс күні бұрын аяқталады.
      Конкурсқа қатысуға конкурс өтетін жылы 24 жастан аспайтын студенттер жіберіледі.
      Әскери кафедрада оқыту үшін студенттерді іріктеуге конкурс төрт кезеңде жүзеге асырылады:
      бірінші кезең – Қазақстан Республикасы Қорғаныс министрінің 2015 жылғы 2 шілдедегі № 373 бұйрығымен бекітілген Қазақстан Республикасының Қарулы Күштерінде әскери-дәрігерлік сараптаманы жүргізу қағидаларына және әскери-дәрігерлік сараптама органдары туралы ережеге (Қазақстан Республикасының нормативтік құқықтық актілерін мемлекеттік тіркеу тізілімінде № 11846 болып тіркелген) сәйкес медициналық куәландырудан өту;
      екінші кезең – кәсіби-психологиялық тестілеу жүргізу;
      үшінші кезең – дене шынықтыру дайындығын тексеру;
      төртінші кезең – ЖЖООКБ басшысы жасайтын және бекітетін рейтингілік балл есебіне сәйкес жүзеге асырылатын конкурстық іріктеу.
      Конкурстың әрбір кезеңінен бір рет өтуге жол беріледі.
      Іріктеу комиссиясының жұмыс істеу регламентін академиялық күнтізбеге сәйкес ЖЖООКБ басшылығы айқындайды.
      Іріктеу комиссиясының жұмысы ЖЖООКБ-ның академиялық күнтізбесіне сәйкес жазғы сессия аяқталғаннан кейін 10 жұмыс күнінен кешіктірілмей басталады.
11. Запастағы офицерлерді даярлау бағдарламасы бойынша оқу үшін құжаттар бірінші (4 жылдық оқумен) және екінші (5 жылдық оқумен) курс студенттерінен қабылданады.
      Запастағы сержанттарды даярлау бағдарламасы бойынша оқу үшін құжаттар бірінші, екінші (4 жылдық оқумен) және бірінші, екінші, үшінші (5 жылдық оқумен) курс студенттерінен қабылданады.
      Әскери дайындық ЖЖООКБ-да оқу аяқталғанға дейін бір жыл бұрын оқу-жаттығу жиынымен (кәсіби практикамен) аяқталады.
       Запастағы офицерлерді дайындау бағдарламасы бойынша оқу үшін құжаттар бірінші (4 жылдық оқумен) және екінші (5 жылдық оқумен) курс студенттерінен қабылданады.

 Кері  байланыс: 8(7122)  27-63-39                   

E-mail: Askeri_kafedra@asu.edu.kz

---

Тарихы

Кафедраға түсу талаптары

Құжаттар

Құрылым басшысы, осы бөлімге қарасты жауапты мамандар туралы мәліметтер:

Тізімге қайта оралу