12.03.2024 203

Магистратура - бұл тереңдетілген кәсіби мамандандыруды қамтитын жоғары білім деңгейі. Магистр дәрежесі түлектерге бакалавриат бағдарламаларының түлектеріне қарағанда көптеген бәсекелестік артықшылықтар береді. Алынған білім мен құзыреттілік магистратура білім алушыларына мансаптық және кәсіби өсу перспективаларын, сондай-ақ қолайлы еңбек жағдайлары мен бәсекеге қабілетті жалақыға кепілдік береді.

Бүгін Х.Досмұхамедов атындағы Атырау университетінде бірінші рет қысқы бітірушілерге диплом табыстау сәті өтті. Бұл Ғылым және жоғары білім министрлігінің жоғары оқу орнынан кейінгі білім беру білім бағдарламаларына қысқы мерзімде оқуға түсу мүмкіндіктеріне ие болған магистраттарымыз. Олар педагогика және психология, информатика және білім берудегі ақпараттандыру, математика және компьютерлік ғылымдар, биология микробиология негіздерімен, кетел тілдері және мәдениетаралық коммуникация білім бағдарламалары бойынша сәтті аяқтады. 

Салтанатты жиында басқарма төрағасы-ректор Саламат Идрисов бітіруші түлектерді құттықтап, сәттілік тіледі. Магистранттардың ғылыми жетекшілері олардың ерекше ізденістеріне тоқталып, білім алушылар университет профессор оқытушылар құрамына ризашылығын білдірді.

Егер Сіз осы қатарда болғыңыз келсе, онда төмендегі ақпараттық нұсқаулық пен анықтамалық видеомен танысыңыз! 

Магистратураға дайындықты бүгіннен бастаңыз!

Тізімге қайта оралу