17.03.2024 163

Бүгін Наурызнаманың төртінші –  «Шаңырақ күні». Қазақ өркениетінде «Шаңырақ» сөзі киелі мазмұнға ие. Бүкіл ұлт тұтас ірге жайған қара шаңырақ – ұрпақтар өрбіген қуатты ұя саналады. 
 
Өңірдегі жетекші оқу орнында қызмет істеп жүрген жас ғалымдар ҚР Ғылым және жоғары білім  министрлігі мен «Отбасы банкі» арасындағы екі жақты келісім негізінде жүзеге асқан «Жас ғалым» бағдарламасына қатысып, баспаналы болды.
 
Қуанышқа орай, білім ордасының 3 бірдей ғалымына ҚР Ғылым және жоғары білім  министрі Саясат Нұрбек пәтердің кілтін табыстады. 
 
Университеттің қылмыстық-құқықтық пәндер кафедрасының аға оқытушысы, «500 ғалым» жобасы бойынша шетелден тағылымдамадан өткен  магистр Нұрбақыт Дайрабаева, физика және техникалық пәндер кафедрасының магистрі, аға оқытушы Жадыра Салықбаева, биология және ауылшаруашылық пәндері кафедрасының аға оқытушысы Мөлдір Махамбет өз қуаныштарын жасырмай, алғыстарын жаудырды.
 
Халқымыз жақсылық пен берекенің бастауы санайтын көктемінің басы Наурызнама мерекесінде баспаналы болған жас ғалымдардың шаңырағына шаттық, мол байлық, ғылым жолындағы табанды ізденістеріне толағай табыс тілеймін!

Тізімге қайта оралу