«ОН БІРІНШІ АУЫЛДЫҢ ПАВЛИК МОРОЗОВЫ» АТТЫ КІТАПТЫҢ ТҰСАУКЕСЕРІ ӨТТІ
Халел Досмұхамедов атындағы Атырау университетінің ғылыми кеңес залында Қазақстанның еңбек сіңірген қайраткері, филология ғылымдарының докторы, жазушы, драматург Серік Асылбекұлы және әдебиеттанушы-ғалым, эссеист, филология ғылымдарының кандидаты Мақсат Тәж-Мұратпен кездесу өтті. Іс-шараға ғылыми кеңес мүшелері, профессор-оқытушылар және жастар қатысты. Басқосудың негізгі мақсаты қаламгердің тынақалды туындысы «Он бірінші ауылдың Павлик Морозовы» повесін жұртшылықпен таныстыру. Кітаптың ерекшелігі шынайы оқиғаға негізделген. Жазушы кітап кейіпкерімен Есбол ауылына саяхат жасап, басты кейіпкер Қылышбайдың бала күнгі азаматтық туралы ой-санасы, шыншылдығы мен бастан өткен түрлі оқиғаларын көркем суреттелген. Оқырманның жүрегінен жол тауып үлгерген ерекше кітаптың қызыл лентасын Қазақстан Жазушылар одағының мүшесі, қарымды қаламгер Төлеген Жаңабайұлы, жазушы Серік Асылбекұлы және ақын Әлия Дәулетбаева кесті. Содан соң шара қонақтары кітап туралы өз ойларын ортаға салып, ыстық лебіздерін білдіріп, құттықтау сөз сөйледі. «Бөгенайы бөлек бір баян» деп Серік Асылбекұлы өзінің риясыз бағасын берсе, психология және педагогика кафедрасының доценті Айдар Сабыров «Тың туынды хақындағы ой-толғам» деген атаумен аталмыш повестің ерекшелігін атады және облыстық қоғамдық-саяси «Атырау» газетінің бас редакторы Назарбек Қосшиев жазушының көпшілік біле бермейтін тың деректерді тілге тиек етті. Кездесу барысында аталмыш шығармамен оқып танысқан «Қазақ тілі және әдебиеті» кафедрасының ұжымдық құрамы мен магистрант-студенттері повес төңірегінде ой-пікір алмасу үшін «Автормен сұхбат» айдарын өткізді. Тағылымды шараның соңында университет Басқарма төрағасы-ректор Саламат Идрисов Мақсат Тәж-Мұратқа ғылыми кеңес шешімімен «Халел Досмұхамедов» атындағы алтын төсбелгіні салтанатты түрде табыс етті. Оған қоса Серік Асылбекұлына университет атынан естелік кәде сый табысталды.
ПІКІРЛЕР