META-НЫҢ ҒЫЛЫМИ ҚЫЗМЕТКЕРІ АРМАН ЖАРМАҒАМБЕТОВ СТУДЕНТТЕРМЕН КЕЗДЕСТІ
Бүгін Атырау университетінің ғылыми кеңес залында МЕТА-ның ғылыми қызметкері, Калифорния университетінің Phd докторы Арман Жармағамбетовпен кездесу өтті. Басқосуға профессор-оқытушылар мен студент жастар қатысты.
Арман Жармағамбетов АҚШ-та Meta компаниясының жасанды интеллект бағытында жұмыс жасап келеді. Сондықтан кездесуге арқау болған тақырып – жасанды интеллект. Ол жасанды интеллект, оның болашағы мен қауіпсіздігі және қазақша ChatGPT сияқты көптеген тақырыптарды қозғап, Meta компаниясының атқаратын қызметі туралы әңгіме өрбітті. Іс-шара барысында «Аі саласындағы негізгі трендтер қандай, келесі 5 жылда АІ біздің өмірімізді қалай өзгертеді, АІ саласындағы негізгі этикалық мәселелер қандай?» сынды сұрақтарға жауап берді. Содан соң қатысушылармен ой-пікір алмасып, өзінің тәжірибесімен бөлісті.
Кездесу соңында Арман Жармағамбетов университет Басқарма төрағасы-ректор Саламат Идрисовтың қабылдауында болып, алдағы уақытта да байланысты үзбей, осы бағыт бойынша қолдау білдіретінін жеткізді.
ПІКІРЛЕР