Бөгет салған Ғылыми кеңес мүшелері мен қызметкерлер Министр алғыс хатын алды
Атырау облысындағы төтенше жағдай кезінде тасқын судың алдын алу үшін бөгет салу жұмыстарына белсене қатысқан Ғылыми кеңес мүшелері мен ардагерлер және университет қызметкерлері марапатталды.
ҚР Ғылым және жоғары білім министрі Саясат Нұрбектің алғыс хатын Х.Досмұхамедов университетінің басқарма төрағасы-ректор Саламат Идрисов Ғылыми кеңес жиынында салтанатты түрде табыстады.
Министрдің алғыс хатын ардагерлер кеңесінің төрағасы, профессор Асхат Иманғалиев, ауылшаруашылығы ғылымдарының докторы Бақтыбек Таубаев, математик ғалым Бекет Зейнешұлы бастаған ардагерлер мен академиялық мәселелер жөніндегі проректор Асхат Чукуров, факультет декандары, тағы да басқа бөлім мамандары мен қызметкерлері алды.
Бұған дейін ҚР Ғылым және жоғары білім министрі Саясат Нұрбектің алғыс хаты студенттер мен олардың ата-аналарына, факультеттердің оқытушы-профессорларына табысталған болатын.
Сондай-ақ, бүгін алғыс хат алған ардагер Қалжан Ғабдулғазизқызы мен еден жуушы Меруерт Меңдіғалиеваға Халел Досмұхамедов атындағы Атырау университі кәсіподақ ұйымы атынан «Атырау» шипажайына жолдама берілді.
ПІКІРЛЕР