ҚАЗАҚ-ТАТАР ҚАРЫМ-ҚАТЫНАСЫ: КЕШЕ ЖӘНЕ БҮГІН
Х.Досмұхамедов атындағы Атырау университетінде «Еуразия халықтары мен мемлекеттері тарихындағы Каспий маңы және Жайық бойы тарихи-мәдени аумағының қазақтары мен татарлары. Тарих және қазіргі заман» ғылыми-өлкетану конференциясы өз жұмысын бастады.
Бұл конференция Х Еуразиялық ғылыми-өлкетану форумының «Еділ-Жайық-Каспий бойының тарихи-мәдени аумағының татарлары: тарих және қазіргі уақыт» деп аталатын ІІІ кезеңі аясында ұйымдастырылып отыр.
Университеттің Басқарма төрағасы–ректоры Саламат Идрисов конференция қатысушыларына сәттілік тілеп, басқа өңірлерден және көршілес мемлекеттен келген қонақтарға алғыс білдірді. «Бұндай іс-шаралар тарих көмбесін ашуға, халықтар достығы мен қарым-қатынасын аттыруға өзге қырынан тануға мүмкіндік беретді. Қазақ-татар халықтарының бауырластық, ынтымақтастық дәстүрі жалғасып, тарихи сабақтастықты арттыра түседі», - деді С.Идрисов.
Жиында «Татарлар мен башқұрттардың Қазақстан конгресі» РҚБ Басқарма төрағасы, Татарлардың ұлттық кеңесі конгресі төрағасының орынбасары – Тауфиқ Кәрімов және Татарстан Республикасының еңбегі сіңген ғылыми қайраткері, профессор Альберт Бұрханов қатысып, баяндама жасады.
ПІКІРЛЕР