Жазушы, драматург, актер С.Санбаевтың туғанына-85 жыл
Х.Досмұхамедов атындағы Атырау университетінде көрнекті жазушы, драматург, аудармашы, қоғам қайраткері Сәтімжан Санбаевтың туғанына - 85 жыл толуына орай «Сәтімжан Санбаев шығармашылығындағы әдеби дәстүр және ұлттық сана» атты халықаралық ғылыми-практикалық конференция өтті.
ҚР Ғылым ғылым және жоғары білім министрлігінің қолдауымен Атырау университеті және М.Әуезов атындағы М.О.Әуезов атындағы әдебиет және өнер институты бірлесіп ұйымдастырған халықаралық конференцияның мақсаты – Отандық білім мен ғылымның жаңа замандағы дамуы және оның Сәтімжан Санбаев шығармашылығындағы ерекшеліктері негізінде ашық диалог, пікір алмасу, қаламгер жазушының мұраларын насихатату. Жиында ҚР Ғылым және жоғары білім министрі стратегиялық жоспарлау және үйлестіру депатаменті директорының орынбасары Ақнұр Сарбаева министр Саясат Нұрбектің құттықтау хатын табыстады. «Ұлттық әдебиет пен өнерде шоқтығы биік тұлғаның бірі – Сәтімжан Санбаев. Оның «Белая Аруана», «Колодцы знойных долин» атты әңгімелер мен хикаяттар жинағын, «Дорога только одна», «Времена года нашей жизни» романдарын жазды. Абайдың қара сөздерін, «Алпамыс» эпосының прозалық нұсқасын, Мұхтар Әуезов, Сапарғали Бегалин, Әбу Сәрсенбаев тағы басқа көптеген қазақ жазушыларының туындыларын орыс тіліне аударды. Оның шығармалары әлемнің 30 дан астам елінде басылды. Өзі де шығармаларын орыс тілінде жаза отырып, оқырмандарға ұлттық мүддеге қызмет ететін, адамзаттың игілігіне жарайтын айшықты дүниелерді тарту етті. Бұлар – жылдар өткен сайын жаңа ұрпақ санасында жаңғыра түсетін телегей туындылар екені анық», - деп атап өткен министр Саясат Нұрбек хатында.
Конференцияға «Atyrau University» КеАҚ Директорлар кеңесінің төрағасы, филология ғылымдарының докторы, профессор, ҚҚ Парламенті Мәжілісінің VI шақырылымына Атырау облысынан сайланған депутаты Бейбіт Мамраев, PhD доктор, лингвист, директор Middle Eastern Perspective бағдарламалар орталығының директоры Robertus Johannes Henricus Maria (Амстердам қаласы, Нидерланд), филология ғылымдарының кандидаты, шығыстанушы Зифа-Алуа Әуезова, филология ғылымдарының докторы, профессор, П.П.Семенова-Тян-Шанский атындағы халықаралық гуманитарлық университетінің ректоры Марина Пименова (РФ Санкт-Петербург), филология ғылымдарының кандидаты, «Әуезов үйі» ғылыми-мәдение орталығының директоры Диар Кунаев, М.О.Әуезов атындағы әдебиет және өнер институты директорының орынбасары, филология ғылымдарының кандидаты Альмира Қалиева және филология ғылымдарының кандидаты, Атырау университетінің Құрметті профессоры Светлана Ананьева, С.Санбаевтың туыстары Тұрғанбек Қабатұлы, Тулеужан Хаматұлы, Нұрлан Рашидұлы, Оралбай Қалиевтар және Атырау университетінің оқытушы-профессорлары мен студенттері қатысты.
Халықаралық конференцияда филология ғылымдарының докторы, профессор Марина Пименова ««Миросозерцание и индивидуально-авторская картина мира Сатимжана Санбаева», филология ғылымдарының кандидаты, шығыстанушы Зифа-Алуа Әуезова «Ақ аруана: түркілік әдебиеттегі Отан және туыстық символдық белгілері», PhD доктор, лингвист ғалым Robertus Johannes Henricus Maria «Казахский язык и литература в перспективе европейской тюркологии», филология ғылымдарының кандидаты Светлана Ананьева «Сатимжан Санбаев: диалог со временем», филология ғылымдарының кандидаты Диар Кунаев «Историческая действительность и ее художественное воплощение в романе-дилогии С.Санбаева “Медный колос”», Атырау университеті орыс филологиясы кафедрасының профессоры Жарқын Кенжебаева «Қазақстанның орыстілді прозасында әлемнің ұлттық бейнесінің сипатталуы (С.Санбаевтың шығармашылығы негізінде)» тақырбында баяндама жасады. Бұдан бөлек, халықаралық конферецияға онлайн қатысқан отандық және шетелдік ғалымдар Сәтімжан Санбаевтың шығармалары жайылы ой бөлісіп пікір алмасты.
Конференцияда аяында Атырау университетінің басқарма төрағасы-ректор Саламат Идрисов жиынға қатысушыларға алғыс білдіріп, шығыстанушы З.Әуезова, түркітанушы Robertus Johannes Henricus Maria, «Әуезов үйі» ғылыми-мәдение орталығының директоры Диар Кунаевқа Х.Досмұхамедов университетінің Құрметті профессоры атағын табыстады.
ПІКІРЛЕР