«Science Cafe» отырыстарында өзекті тақырыптар талқыланды
Х.Досмұхамедов атындағы Атырау университетінде «Science Cafe» отырыстары ұйымдастырылды.
«Science Cafe» - ғылымға, қазіргі ғылыми зерттеулердің жаңа нәтижелеріне, өнертабыстар мен технологияларға қызығушылық танытқан ғалымдар, магистранттар мен студенттер арасындағы бейресми қарым-қатынасқа арналған пікірталас алаңы.
20 қараша күні онлайн жиында PhD доктор Гүлдана Бекова «Гранттық ғылыми жобаларды қаржыландырудағы шығындарды жоспарлау» тақырыбында университет профессор-оқытушыларына семинар өткізіп, гранттық қаржыландыру жобаларын тіркеу, өтінім мазмұны мен бюджетін жасау мәселелері төңірегінде құнды ақпараттармен бөлісті.
25 қараша күні «Зияткерлік меншік құқықтарын қорғау сұрақтары» тақырыбында оффлайн форматтағы кезекті отырыс өтті.
Кездесуге информатика кафедрасының қауымдастырылған профессоры, PhD доктор Мақсот Рахметов пен химия және химиялық технология кафедрасының меңгерушісі, PhD доктор Жанар Қадашева шақырылды.
Шараға университеттің профессор-оқытушылар қауымы қатысты.
Жиын барысында спикерлер зияткерлік меншік және зияткерлік меншік құқықтарын сақтау және қорғау туралы түсіндірме жұмыстарын жүргізіп, ҚР-ындағы зияткерлік меншік құқықтарын сақтау және қорғау бойынша атқарылатын қызметтермен таныстырды.
Жиын соңында қатысушылар сұрақтарына толымды жауап алып, ұйымдастырушылар алқасына ризашылығын жеткізді.
ПІКІРЛЕР