Отандық және шетелдік гранттық қаржыландыру мәселесі талқыланған жиын өтті

Х.Досмұхамедов атындағы Атырау университетінде  жас ғалымдардың гранттық қаржыландыру конкурсы аясында «Science Cafe» отырысы өтті.
Гранттық қаржыландыру конкурстары жыл сайын жоғары білікті және бәсекеге қабілетті зерттеушілерді қалыптастыру, ғылымда дарынды жастарды тарту және бекіту, жас зерттеушілердің үлесін арттыру үшін өткізіледі.
Университеттің профессор-оқытушылар қауымы қатысқан жиын барысында PhD доктор Саяхат Карекенова өтінімдегі басты талаптар, жарияланымдарға сараптама, жоба мүшелеріне қатысты негізгі шарттарды, ұсынатын жобаның материалдық-техникалық базасын, ескеру қажет мәліметтерді түсіндіре отырып, «2025-2027 жылдарға арналған жас ғалымдарды гранттық қаржыландыруға арналған конкурстық құжаттамасын әзірлеудегі басшылық» тақырыбында баяндама жасады.
Отырыстағы екінші спикер PhD доктор Қарлығаш Аширханова «Ғалымдарға арналған «Türkiye Burslari» және «Tübitak» грантына өтінім беру үлгісі» мәселесі бойынша сөз сөйлеп, Түркия мемлекетінің ғалымдарға ұсынатын мүмкіндіктері мен жоба бағдарламалары, тіл үйрену курстары, өтінім берудегі негізгі талаптар, ғылыми академиялық демалыс секілді құнды ақпараттармен бөлісті.
Маңызды кездесуде спикерлер жиынға қатысушылардың отандық және шетелдік гранттық қаржыландыру бойынша өзекті сұрақтарына жауап беріп, мазмұнды пікірталас өрбіді.
Шара соңында спикерлер қатысушыларға ризашылығын білдіріп, жаңа ғылыми ізденістер мен сәттілік тіледі.

Тізімге қайта оралу