Университет профессоры Алматыда біліктілікті арттыру курсына қатысты
Х.Досмұхамедов атындағы Атырау университетінің профессоры Рысты Сабирова «Фирма экономикасы және цифрлық экономика жағдайындағы экономикалық қауіпсіздік» атты біліктілікті арттыру курсына қатысты.
Курс әл-Фараби атындағы Қазақ ұлттық университетінің Біліктілікті арттыру және қосымша білім беру институтында өтті.
Біліктілікті арттыру курсы – цифрландыру дәуіріндегі кәсіпорындардың бәсекеге қабілеттілігі мен тұрақтылығын қамтамасыз етудің өзекті мәселелеріне арналған арнайы жоба.
Курс барысында фирманың экономикалық қауіпсіздігін қамтамасыз етудің заманауи тәсілдері, цифрлық технологияларды басқару және экономикалық қауіп-қатерлерді талдау, басқару шешімдерін қабылдау, цифрлық құралдарды тиімді қолдану тақырыптары талқыланып, нәтижесінде қатысушылар экономикалық қауіпсіздікті қамтамасыз етуге бағытталған кешенді шараларды іске асырудың заманауи әдістерін меңгерді.
Профессор Рысты Қуандыққызы өзіне ғылыми жетекші ретінде бекітілген экономика ғылымдарының кандидаты, экономика кафедрасының доценті Гульмира Андабаевамен (https://farabi.university/faculty/14) авторлық бірлестікте “Development of Human Capital in the Labor Market in the Modernization of the Economy of Kazakhstan” мақаласы Скопус базасына кіретін Q2 Australasian Accounting Business and Finance Journal деп аталатын басылымда жарияланды. Сондай-ақ, авторлардың ҚР Ғылым және жоғары білім министрлігінің комитеті бекіткен журналдарда мақалалары жарыққа шықты.
«Биыл әл-Фараби атындағы Қазақ ұлттық университетінің 90 жыл толуымен құттықтай келе, экономика және бизнес жоғары мектебі экономика кафедрасыммен алдағы уақытта да ынтымақтастық орнатып, іс-шаралар атқарылады деген ойдамыз», - деп ризашылығын білдірді курс қатысушысы, экономика кафедрасының меңгерушісі Рысты Сабирова.
ПІКІРЛЕР