Кәсіптік бағдар беру - табысты болашаққа маңызды қадам
Х.Досмұхамедов атындағы Атырау университетінде Д.Қонаев атындағы BINOM SCHOOL мектеп-лицейі кәсіптік бағдар беру жұмыстарын жүргізді.
Университеттің алға қойған мақсаттарының бірі – бітіруші түлектерге кәсіби бағдар беріп, болашақ мамандығын анықтап алуға ықпал жасау.
Кәсіптік бағдар беру мақсатында сынып жетекшілер мен бітіруші түлектер университетке келіп, факультеттердің материалдық-техникалық базасымен танысты.
Мектепте кәсіптік бағдар беруді ұйымдастырудың негізгі мақсаты - оқушылардың кәсіби қызығушылықтары мен бейімділіктерін анықтап, кәсіби өзін-өзі анықтауда психологиялық-педагогикалық қолдау көрсетуге бағытталған.
Шара барысында әрбір оқушының қабілеттілігі мен бейімділігі ескеріліп, кәсіпке қызығушылығын қалыптастыруға және болашақ мамандығын саналы түрде таңдауға бағдар жасалып, ЖОО-на түсу талаптары мен білім беру бағдарламалары таныстырылды.
Кездесуге келген түлектер тарапынан ұсыныс-пікірлер тыңдалып, сұрақтарға жауап берілді.
ПІКІРЛЕР