«Бірлік» бастауыш партия ұйымының жиналысы өтті
16 желтоқсан – Тәуелсіздік күніне орай Х.Досмұхамедов атындағы Атырау университетінде «AMANAT» партиясы «Бірлік» бастауыш партия ұйымының жиналысы өтті.
Партия ұйымының төрағасы Идрисов Саламат төрағалық еткен отырыстың күн тәртібінде «AMANAT» партиясы «Бірлік» бастауыш партия ұйымының 2024 жылғы жұмысы мен алдағы міндеттері қаралды.
«Еліміздің саяси – экономикалық, әлеуметтік даму бағдарын қамтыған Президентіміз Қасым-Жомарт Тоқаевтың «Әділетті қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауын талқылап, ұжым мүшелері осы Жолдау туралы өз пікірлерімен республикалық, жергілікті телеарналарда бөлісіп, ақпарат беттерінде жариялады. Өте ауқымды, нақты әрі кешенді іс-шаралар жоспарланып отыр. Сондықтан «AMANAT» партиясы, оның негізін құрайтын бастауыш партия ұйымдары үшін орындалуы тиіс маңызды міндеттер тұр», – деді партия филиалының төрағасы Идрисов Саламат.
Жиналыс барысында қатысушылардың ұсыныстары тыңдалып, сұрақтарына жауап берілді.
Партияның қолға алған іргелі жобалары мен бағдарламаларын насихаттау жұмыстарымен бөлісіп, «2025 жыл -партия тарапынан «бастауыш партия ұйымдары жылы» болмақ. Сондықтан «Бірлік» бастауыш партия ұйымының да алдында үлкен жұмыстар тұр. Бүгінде біздің «Бірлік» бастауыш партия ұйымының қатарында небәрі – 390 партия мүшесі бар. Алдағы уақытта қоғам игілігі үшін жұмыс атқарар жастарды қатарымызға қосуымыз керек»,-деп нақылап атап өтті «Бірлік» бастауыш партия ұйымының атқарушы хатшысы Баянсұлу Тыныбаева.
«Бірлік» бастауыш партия ұйымының төрағасы Идрисов Саламат АЭС салу бойынша өткен референдум кезінде белсенді қызмет етіп, партияның стратегиялық бағытын қолдап, оның бағдарламалық міндеттері мен жобаларын іске асыруға атсалысқан партия мүшелерін марапаттап, алдағы жұмыстарына сәттілік тіледі.
ПІКІРЛЕР