БІЗ ТУРАЛЫ
БІЗ ТУРАЛЫ
Еліміздің болашағы жарқын болу үшін, ең алдымен ұрпағымыз білімді, рухани деңгейі жоғары болуы қажет. Ол үшін адам көп оқып, кітап оқу мәдениетін сақталуы, көп ізденуі қажет. Қазақ халқы кітапты қасиетті, құдіретті деп қадірлеген. «Кітап-білім бұлағы, білім-өмір шырағы» деп кітапты жоғары бағалаған. Х.Досмұхамедов атындағы Атырау университетінің ғылыми кітапханасы да аталмыш оқу орнымен бірге жасап келе жатырған тарихының бір бөлігі деп саналады.
Оқырмандардың сұранысын қанағаттандыруда кітапханада алфавиттік және жүйелік каталог бар. Кітап қорын толықтыру және өңдеу бөлімінде ақпараттық-іздестіру жүйесі бойынша «КАБИС» бағдарламасымен жұмыс жүргізілуде. Сандық кітапхана жүйесін құру мақсатында барлық оқулықтар мен ғылыми еңбектер электронды нұсқаға көшіру жұмыстары жүргізілуде.
Университет кітапханасы Республикалық жоғары оқу аралық электронды кітапханасының (www.rmeb.kz) деректер базасын пайдалану үшін келісім-шарт жасалды.Кітапхана қызметінің негізгі алға қойған міндеттері кітапханаға оқырмандарды тарту, кітап оқуға деген қызығушылығын арттыру, кітапхананың қорын жаңа әдебиеттермен толықтыру, атаулы күндерге мәдени көпшілік іс-шаралар өткізу, материалды-техникалық базасын нығайту.
