ERASMUS + жобалары аясында «Жоғары және орта кәсіптік білім беруде және оқытуда еуропалық үздік тәжірибені енгізу» атты қорытынды конференция
2019 жылғы 14-16 мамырда SUSDEV жобаның аясында стратегиялық, инновациялық және халықаралық даму департаментінің директоры м.а. Г.К. Шамбилова мен жаратылыстану және ауылшаруашылық ғылымдар факультетінің деканы Р.Ш. Абдинов Мәскеу мемлекеттік геодезиялық және картография университетінің базасында өткен конференцияға қатысты. Іс-шара қол жеткізілген нәтижелер мен жоба жасақтамаларын әзірлеуге, оны таратуға бағытталған. Сонымен қатар, іс-шара жобаға қызығушылық танытқандар арасында тәжірибе алмасуға, оқытуға және «жасыл» дағдыларды игерудегі әкімшіліктер, оқытушылар әлеуетін арттыруға, серіктес елдерде жобаның дамуына, алынған нәтижелерін талқылауға бағытталған.
Кездесуге қатысушылар Варшава ауылшаруашылық университетінің профессоры Йозеф Мозейженің, Никосия университетінің бизнесті дамыту жөніндегі директоры Стелианос Мавромустакостың және басқа да дәрістер тыңдады.
Кездесу соңында жобалық құжаттаманың аяқталуына байланысты міндеттері мен конференция нәтижелері қорытындыланды. Жоба материалдары жобаға қатысатын ЖОО-ның білім беру және ғылыми саласында пайдаланылатын болады.
