Ақпаратты тарату күні және қорытынды кездесу, Алматы қ.
24-26 қыркүйек күндері Қазақ Ұлттық аграрлық университетінде Еуропалық Одақтың Эразмус + халықаралық бағдарламасы қаржыландыратын «Өмір бойы тұрақты даму бойынша оқыту - SUSDEV» жобасының ақпарат тарату күндері және қорытынды кездесуі өтті.
Іс-шараға Х.Досмұхамедов атындағы Атырау мемлекеттік университетінің әлеуметтік мәселелер және жастар саясаты жөніндегі проректоры Л.Е.Қойшығұлова, университеттегі жобаның жергілікті үйлестіруші, ғылым департаментінің директоры А.А.Мусаева, стратегиялық, инновациялық және халықаралық даму департаментінің директоры Г.К.Шамбилова, жаратылыстану және ауылшаруашылық ғылымдары факультетінің деканы Абдинов Р.Ш. қатысты.
Мусаева А.А. университеттегі SUSDEV жобасының нәтижелері туралы баяндама жасады. Жобаға қатысушы Қазақстандық және Ресейлік университеттердің есептері тыңдалды. Кездесу барысында шетелдік серіктестер электрондық оқыту, ашық білім беру ресурстары және өмір бойы оқыту бойынша тренингтер мен пікірталастар өткізді. Жоба координаторлары қорытынды есепті жазу және жобаның тұрақтылықты қамтамасыз ету бойынша өздерінің нұсқауларың берді.
