16.09.2022 139

Х.Досмұхамедов атындағы Атырау университетінде жастардың бойында сыбайлас жемқорлыққа қарсы сананы қалыптастырып, құқықтық сауаттылығын дамытып, нормативтік-құқықтық актілердің сапасын арттыру мақсатында студенттермен кездесу өтті. Шараға ҚР сыбайлас жемқорлыққа қарсы іс-қимыл агенттігінің Атырау облысы бойынша департаментінің Басқарма басшысы Жәнібек Жұмабайұлы, «Жаңарту» сыбайлас жемқорлыққа қарсы жалпыұлттық қозғалыс РҚБ-нің мүшесі Аманжан Қизатбайұлы және Басқарма төрағасы-ректор Саламат Нұрмұханұлы, жастар саясаты департаментінің басшысы Гүлнұр Саясатқызы мен университеттің оқытушы-студенттері қатысты. «Студенттер ең бірінші академиялық адалдық принциптерін сақтау керек яғни, сабаққа қатысу, сессияны өзінің мүмкіндігіне сай тапсыру оларға қойылатын ең бірінші талап. Университетімізде жемқорлықты алдын-алу үшін емтихан кезінде, прокторинг уақытында бақылау жүгізетін адамдарды алмастыру секілді әдістерді пайдаланып келеміз. Сонымен қатар университетте тұрақты түрде «Антикор», «Таза сессия» штабы, «Саналы ұрпақ», «Адалдық дүкені» жұмыс істейді. Бұл студенттерді сапалы өмір сүруге бағыттайтын, келешектерінің айқын боларына жасалып жатқан бірден-бір әрекет», - деді Саламат Нұрмұханұлы. Кездесу барысында қатысушылар баяндамаларын оқып, студеттерге үгіт-насихат жұмысын жүргізді. Сондай-ақ сыбайлас жемқорлық әрекетін бақылау мақсатында студенттерге сауалнама таратылды.

Тізімге қайта оралу