26.09.2022 215

Мемлекет басшысы Қасым-Жомарт Тоқаев 2022 жылды «Балалар жылы» деп атады. Осы ретте Мемлекет басшысы балаларға ерекше көңіл бөлу керектігін жеткізді. Еліміздің жарқын болашағы жолында атқарылып жатқан игі шараларды жүзеге асырып, Х.Досмұхамедов атындағы Атырау университеті Инновациялық білім беру факультеті «Шаңырақ» балалар ауылында «2022-Балалар жылы» аясында «Балаларға қуаныш сыйлайық» атты «Көңілді старт» спорттық сайыс өткізді. «Көңілді старт» спорттық сайысын «Дене шынықтыру және бастапқы әскери дайындық» кафедрасының оқытушылар құрамы өткізді. Салауатты өмір салтын насихаттау мақсатында өткізілген бұл игі шараның берері мол. Эстафеталық сайыс 6 кезеңнен тұрды. Әр кезең бойынша қатысушылар топқа бөлініп, мықтылықтарын танытты. Шара соңында жеңімпаздарға марапаттар табысталып, "Шаңырақ балалар үйінің" директоры Ботатаева Гулсара Аманғалиқызына университет атынан алғыс хат берілді.

Тізімге қайта оралу