28.09.2022 359

Халел Досмұхамедов атындағы Атырау университетінде «AMANAT» партиясының «Бірлік» бастауыш партия ұйымының жиыны болып өтті. Онда «Бірлік» бастауыш партия ұйымының төрағасы, аталған оқу орнының ректоры Саламат Идрисов жетекші партияның бағыт-бағдарын, ұстанымын айқындайтын негізгі идеологиялық күш болып табылатын Саяси тұғырнаманың басты бөлімдеріне жеке тоқталып, тұжырымдады. Атап айтқанда, олардың: АДАМ-ҚОҒАМ-МЕМЛЕКЕТ, АЗАМАТТЫҚ ҚОҒАМ - ДАМУДЫҢ КЕПІЛІ, МЕМЛЕКЕТ ЖӘНЕ БІЗ бөлімдерінің басты міндеті - дәулетті, қоғамы ашық, мемлекеті мықты Қазақстанды құрып, әділдік пен ізгілік, заң мен тәртіп, еңбекқорлық пен кәсібиліктің әрбір қазақстандықтың талассыз таңдауына, өмір сүру қалыбына айналуы жолында жұмыстану болмақ. Жиында қатысушылар Саяси тұғырнаманың мақсат-мүддесі, құндылықтары, өскелең ұрпақты қалыптастырудағы орны мен бүгінгі жастарға берері жөнінде ой өрбітті. Сондай-ақ, «AMANAT» партиясы Атырау қалалық филиалының кезектен тыс XLІV конференциясына делегат сайлау жөнінде ұсыныс беріліп, кандидатуралар бірауыздан мақұлданды.

Тізімге қайта оралу