23.11.2022 417

Сапалы болашақ мұғалімді дайындаудың бір компоненті ол педагогикалық практика болып табылады. Биылдан бастап Х.Досмұхамедов атындағы Атырау университеті педагогикалық практикалардың мазмұнын қайта қарастырып, практика базасын таңдау барысында талаптар қойылды. Университеттен білім алып жатқан студенттерін келісім-шарт мерзіміне сәйкес 2022 жылдың 28 қараша мен 7 қаңтар аралығында қалааралық мектептерден педагогикалық практикадан өткізу жоспарланған. Осыған орай, Х.Досмұхамедов атындағы Атырау университетінің педагог-ғалымдары Атырау қаласының мектептеріне барып, мансап және тәжірибе офисінің 2022-2023 оқу жылының педагогикалық практикасына арналған «Білім сапасы мектеп қызметінің басты көрсеткіші» атты ашық есік күнін өткізуде. Шара кезінде университет педагогтары мектеп оқушыларына кәсіби бағыт-бағдар жүргізді. Кәсіптік бағдар беру жұмыстарының мақсаты- бітіруші түлекке мамандықты дұрыс таңдау жолдарын көрсету, келешек ұрпаққа бағыт- бағдар беру.Мектеп оқушылары оқу орыны, мемлекеттік грант жайлы сұрақ қойып, білімге деген қызығушылықтарын білдірді. Кәсіптік бағдар беру — қоғамның қажеттілігіне қарай әрбір оқушының қабілеттілігі мен бейімділігін ескере отырып, кәсіпке қызығушылығын қалыптастыруға және болашақ мамандығын саналы түрде таңдауға көмектесуде, мақсатты атқарылатын жұмыс.

Тізімге қайта оралу