Қоқан университетіндегі «Орхун» халықаралық алмасу бағдарламасы
Х. Досмұхамедов атындағы Атырау университетінің оқытушылары Бакирбекова А. М., Казиев К. О., Бисенова Ш. Н. 2022 жылдың 14-26 қараша аралығында Қоқан университетінде (Қоқан қ., Өзбекстан) "Орхун" бағдарламасы бойынша академиялық ұтқырлықтан өтті. Екі апта бойы оқытушылар білім алушыларға өз курстарын оқып, тәжірибе алмасу мақсатында университет әріптестерінің сабақтарына қатысты. Экономика ғылымдарының кандидаты, қауымдастырылған профессор, "Экономика" кафедрасының профессор м.а. Бакирбекова Айгүл Мақұлбекқызы өткізген "Жобаларды басқару" пәні бойынша сабақтар және ПОҚ-ға арналған "Рейтингтік ғылыми журналдарда жариялауға мақалалар дайындау" тақырыбындағы ғылыми семинар білім алушылар және ПОҚ арасында ерекше қызығушылық танытты. Семинарда тыңдаушылар "Scopus" және "Web of Science" базасына кіретін журналдарда ғылыми мақалалар жазу және жариялау алгоритмімен, сондай-ақ жариялау кезінде жиі кездесетін мәселелермен танысты. Сондай-ақ, А.М. Бакирбекова тыңдаушыларды Қазақстан Республикасындағы докторанттардың ғылыми-зерттеу жұмысына қойылатын негізгі ережелер мен талаптар туралы қосымша хабардар етті. Ғылыми семинар аудиторияның үлкен қызығушылығын тудырды. Академиялық алмасу соңында осы бағдарламаны аяқтағаны туралы сертификаттар табыс етілді.
ПІКІРЛЕР