03.03.2023 349

Екі күнге жоспарланған форум аясында ҚР Ғылым және жоғары білім министрінің жастар ісі жөніндегі кеңесшісі - студенттік омбудсмен Айсұлу Ерниязова жастардың саяси көшбасшылығы турасында ақпараттар беріп, студенттермен еркін форматта әңгімелесті. 
Танымал саяхатшы, мотиватор, психолог, “Өмірге шексіз ғашық” кітабының авторы Динара Болат «қоғамдағы қыздардың рөлі» тақырыбында қыздар қауымына тренинг өткізіп, білім мен ізденістің, еңбек пен талапшылдықтың арқасында табысқа жетудің бағыттарын, тұлғалық даму мен отбасы, саяхат тақырыптарында өзінің ой-тәжірибесімен бөлісті. Жақұттай жарқырап, жастық жалынын орынды пайдаланып, уақыттың қадірін ұғынып, қолға алған әрбір іске жауапкершілікпен қарауға шақырды. 
Жастар форумына қатысушы ұл балдарға ”Batu Han” дәстүрлі садақ ату федерациясының төрағасы және бас бапкері Марат Бексұлтанұлы қазақтың рухын оятатын ұлттық құндылықтың бірі бұл бес қару екенідігін атап өтіп, садақ ату өнерінің адамға физикалық жағынан пайдасымен бөлісті. Кезіндегі қазақ батырларының жаугерлік заманда қолданған қару – жарақтарының атауымен таныстырып, олардың тарихына тоқталды.  Сонымен қатар, садақ атудан шеберлік сағатын көрсетті.

Тізімге қайта оралу