Шәкірт жүрегіне жол тапқан ұстаз – Майра Ғилақызы
Х.Досмұхамедов атындағы Атырау университетінде ардагер ұстаз Майра Ғилақызының туған күніне арналған «Шәкірт жүрегіне жол тапқан ұстаз» тақырыбында дөңгелек үстел өтті.
Іс-шараға Атырау университеттің профессор - оқытушылар құрамы, студенттер мен магистранттар және Майра Ғилақызының отбасы мүшелері қатысты.
«Аударма ісі және шетел тілдері» кафедрасының меңгерушісі Айгүл Айтмұханқызы ардагер ұстаздың университетке сіңірген елеулі еңбегіне пікір білдірді:
«Ең алғаш кафедра құрылған кезден бастап қызмет еткен тәжірибелі оқытушылардың ішінде академиялық доцент, еңбек ардагері Майра Ғилақызының есімі ерекше. Майра апай 50 жылға жуық университетте яғни, «Аударма ісі және шетел тілдері» кафедрасында еңбек етті. Өз ісінің шебері атанған ұстаз неміс тілін оқытудың тиімді әдістері мен тәсілдерін, жаңа педагогикалық технологияны кеңінен оқу үрдісінде үнемі қолданып отыратын»,- деді.
Жиын барысында ұлағатты ұстаздың замандас-әріптестері өз естеліктерімен бөлісіп, Майра Ғилақызын еске алуға арналған «Майра апа» монографиясы таныстырылды.
ПІКІРЛЕР