04.04.2024 447

Х.Досмұхамедов атындағы Атырау университетінде "Қыз Жібек" қыздар клубының ұйымдастыруымен "Халел аруы-2024" байқауы өтті. Байқаудың мақсаты қыз балалардың бойындағы заманауи эстетикалық талғамын арттыру, факультет аруларының сұлулығы мен білімін сынға салып, үздікті анықтау. Жастар саясатының департаментінің басшысы Гүлнұр Саясатқызы: "Халел аруы дәстүрлі өтіп жүрген байқау. Бұл тек сұлулық байқауы емес, дала заңында жүрген көшпенді халқымыздың ханшайымы болған қазақ қыздарының рухын жалғастырушы, ұлттық дәстүріміз бен өнерімізді насихаттаушы байқау деп ойлаймын. Сондықтан факультетінің жүгін арқалап шыққан аруларға сәттілік тілейміз",- деп өз тілегін жолдады. Қыздардың сұлулығы мен білімі сыңға түскен тартысты сайысқа әр факультеттен 6 ару қатысты. Аталған байқау 4 кезеңнен құралған. Олар тарихымызды насихаттап, ұлы әйелдердің образдарын сомдап, тал бойына жарасқан сымбатына сай ұлттық нақыштағы қазіргі заманға сай киім үлгілерін таныстырып, өз білімдерін де ортаға салды. Әділ қазылардың әділ шешімі бойынша “Халел аруы-2024” байқауының жеңімпазы тәжіне көптілді білім беру факультетінің студенті Әсем Русланқызы ие болды. Сонымен қатар 2 орынды физика, математика және ақпараттық технологиялар факультетінің студенті Жаннұр Нұрлыбекқызы, 3 орын мен “көрермен көзайымы” номинациясын гуманитарлық ғылымдар және өнер факультетінің студенті Амина Нұрсұлтанқызы иеленді. Барлық сайысқа қатысушылар мен жеңімпаздарға арнайы алғыс хаттар мен ақшалай сыйлықтар табыс етіліп, лайықты сый-құрмет көрсетілді.

Тізімге қайта оралу