04.05.2024 190

Х.Досмұхамедов атындағы Атырау университетінде 2023-2024 оқу жылында 13 мамандық бойынша білім алған 56 тыңдаушымыз педагогикалық қайта даярлау курсын аяқтады. 13 білім беру бағдарламасы бойынша білім алған тыңдаушыларымыз курс барысында алған теориялық білімдерін 2 ай практикада ұштастырып келіп, қорытынды аттестация тапсыруды бастады. Қорытынды аттестация 2 және 10 мамыр күндеріне жоспарланды. 2-3 мамыр күндері «Математика пәнінің мұғалімі (6В01501)», «Физика пәнінің мұғалімі (6В01502)», «Білім беру жүйесіндегі информатика және ақпараттық-коммуникациялық технологиялар (6В01503)», «Педагогика және психология (6В01101)», «Педагог-тәрбиеші және мектепке дейінгі білім беру әдіскері (6В01201)» және «Шетел тілі: екі шетел тілі (6В01703)» мамандықтары бойынша қорытынды аттестация – мемлекеттік емтихандарын – тапсырды. Емтихан болғаннан соң қобалжулар мен толқулар болды. Ол заңды да, дегенмен курс тыңдаушыларының қорытынды сынаққа деген дайындықтары жоғары деңгейде болды. Кей әріптестеріміз үшін онлайн да тапсыруға мүмкіндік берілді. Алда басқа мамандықта оқып жатырған тыңдаушыларымыз үшін сынақтар күтіп тұр. Оларға сәттіліктер тілейміз!

Тізімге қайта оралу