24.05.2024 398

Х.Досмұхамедов атындағы Атырау университетінде жас мамандар мен студенттер арасында стартап жобаларға қайтарымсыз грант табысталған болатын. Байқауға қатысқан 22 ұсыныстың ішінен 13 жоба іріктеліп, қаржы бөлінді. Атап айтсақ, «Art studio» мен «American English» жобалары - 300 мыңнан, «EdVenture» орталығы және «iCreate» графикалық иллюстрация курсы мен қызметтері - 400 мыңан, "One way" ораторлық мектебі мен «Newlook» медиа қызметі және «IDEP» клуб – 500 мыңнан, «Шыны қалдықтарын пайдаланып эпоксидті шайырдан әшекей бұйымдар өндіру» - 600 мың, «Soz joq» - 800 мың, «Онлайн бағдарламалау мектебі» – 1 миллион, «Car Wash» мобильді қосымша - 1 миллион 400 мың, «ASU KPI» - 2 миллион 500 мың, «Asu.edu.kz» ақпараттық сайтын жасауға – 2 миллион 800 мың теңге қаражат берілді.Бүгін грант жеңімпаздары өз жобаларын сәтті іске асыруда. Жобаның негізгі мақсаты – жас мамандар мен студенттер арасында шығармашылық идеялар мен кәсіпкерлік қабілеттерді дамыту, ғылыми қызмет нәтижелерін коммерцияландыруға жәрдемдесу, жаңа перспективалы білім беруді қолдау, әлеуметтік тың идеяларды қаржыландыруды көздейді. Аталмыш жобаның жеңімпазы шыны қалдықтарын пайдаланып, эпоксидті шайырдан әшекей бұйымдар жасаумен айналысатын жоба жеңімпаздары бүгін университет базасында бұйымдардан жәрмеңке өткізді. Жоба жеңімпазы, жәрмеңке ұйымдастырушысы, «Экология» мамандығының 3 курс студенті Ақмарал Сағынғалиеваның айтуынша мұндай жәрмеңке дәстүрлі түрде ай сайын өткізіледі екен. Шыны қалдықтарын уату арқылы әйнекке екінші өмір сыйлап, эко бұйымдар жасау табиғатқа зиянсыз көрінеді. Бұйымдардың көздің жауын алатыны соншалық, студенттер мен оқытушылар қызығушылық танытып, аталмыш жәрмеңке арқылы тиімді бағаға сатып алуда. Айта кетейік, Х.Досмұхамедов университеті 2020 жылдан бастап стартап жобаларды қаржыландыруды бастаған. Өткен жылдарда 10 идеяларға 3 миллион 800 мың теңге бөлсе, биыл оқу орны гарант көлемін 6 есеге арттырып, жобалар санын көбейткен.

Тізімге қайта оралу