29.05.2024 553

Х.Досмұхамедов атындағы Атырау университетінде 2023-2024 оқу жылында ұйымдастырылған педагогтік қайта даярлау курсы тыңдаушыларына сертификат табыстау рәсімі өтті. Осы оқу жылында 56 тыңдаушы 6 айлық курсты оқып бітірді. Олардың құрамында өзге де қалалалар мен аудандардан білім алған түлектер де бар. Тыңдаушылардың көбі облыстық мектептерде ұстаздық қызметке орналасқан, білікті мамандар. «2020-2021 оқу жылында 7 білім беру бағдарламасымен бастау алған курс, биылғы оқу жылында 13 мамандық бойынша өзінің тыңдаушыларын дайындап, қолдарына сертифкаттарын ұсынуда. Жыл сайын қайта даярлау курсын оқып көрсем, үйренсем, білсем деген педагогтердің саны артуда. Оған дәлел алғашында 12 тыңдаушымен бастау алған курс, одан кейін 24, қазір 50 ден жоғары тыңдаушымен оқу жылын аяқтап отыр. Курсты оқитын тыңдаушылар онлайн білім алып, офлайн емтихан тапсырып, арнайы өндірістік практикадан өтеді»,-дейді кадрларды қайта даярлау және біліктілікті арттыру кеңсесінің жетекшісі Гүлжан Жаманбайқызы. Педагогикалық қайта даярлау бағдарламасы педагогикалық білімі жоқ, бірақ мектептерде сабақ бергісі келетін адамдарға арналған. Бағдарламаға тиісті мамандық бойынша жоғары білімі бар адамдар жазыла алады. Бұл бастама білім саласындағы маман тапшылығын жою мақсатында қолға алынған болатын.

Тізімге қайта оралу