«Science Cafe» отырысында тың жобалар таныстырылды

«Science Cafe» отырысында тың жобалар таныстырылды

Х.Досмұхамедов атындағы Атырау университетінде «Science Cafe» отырысы өтті.
Университеттің профессор-оқытушылары мен студенттер қатысқан жиында «СофМайя» сусынының адам ағзасына өте пайдалы, дәрумендері мол, сусамыр (қант диабеті) дертімен ауыратын науқастарға таптырмас өнім екендігі және бекіре және басқа балық түрлеріне арналған екіншілік шикізатты пайдалана отырып, тірі және түйіршіктелген жем өндіру технологиясын әзірлеу мен оның микробиологиялық әдістері сөз етілді.
«СофМайя» түйе сүтінен жаңа сусын өндіру технологиясын ұйымдастыру және коммерцияландыру» атты жобасы - Х.Досмұхамедов атындағы Атырау университетінде ғылыми және (немесе) ғылыми-техникалық қызметтің нәтижесін коммерцияландыру бойынша алғашқы ғылыми жоба.
Халықаралық экология және өмір қауіпсіздігі
Академиясының академигі, ISESCO сыйлығының иегері, профессор София Сағындықова «Түйе сүтінен «СофМайя» жаңа сусынының технологиясын ұйымдастыру және коммерцияландыру» және «Бекіре және басқа балық түрлеріне арналған екіншілік шикізатты пайдалана отырып, тірі және түйіршіктелген жем өндіру технологиясын әзірлеу мен оның микробиологиялық әдістері» тақырыптарында баяндама жасады.
Жиын барысында биолог - ғалым өзімізге белгілі шұбат пен қант қызылшасы шырынының қоспасынан ерекше «Софмайя» деген сусын ойлап табудағы зерттеулерімен бөлісіп, жобаны толық таныстырды. Сонымен қатар ғалым қатысушыларға бекіре және басқа балық түрлеріне арналған екіншілік шикізатты пайдалана отырып, тірі және түйіршіктелген жем өндіру технологиясын әзірлеу мен оның микробиологиялық әдістерін ұсынды.
Ғылыми жиын соңында қатысушылар сұрақтарына толымды жауап алып, ұйымдастырушылар алқасына ризашылығын жеткізді.

 

 

ПІКІРЛЕР

Тізімге қайта оралу