«Экология» зертханасы
Қазіргі уақытта зертхана келесі бағыттар бойынша ғылыми зерттеулер жүргізуде:
• Орал-Каспий бассейнінің гидрологиялық-гидрохимиялық режимін зерттеу;
• Жайық және Қиғаш өзендеріндегі судың токсикологиялық ластану деңгейін бағалау;
• Азық-түлік токсикологиясын зерттеу;
• Атырау қаласының тұрғын үй алаптарындағы, көлік магистральдарындағы және өнеркәсіп аймақтарындағы ауа бассейнінің экологиялық жай-күйін зерделеу;
• Топырақ пен топырақтағы ауыр металдардың құрамын анықтау;
• Биологиялық материалдардағы ауыр металдардың құрамын анықтау.
Орталықтың «Токсикология» зертханасы келесі қызмет салалары бойынша аттестатталған: ауыз су, табиғи, ағынды және жер асты сулары. Алдағы уақытта, зертхана атмосфералық ауа, жұмыс аймағы, топырақ, азық-түлік, биологиялық материалдар бағыттары бойынша аттестацияланбақ.
Зертхананың материалдық-техникалық базасы – бұл жаңа өлшеу және қосалқы құралдар болып табылады. Талдау үшін үлгілерді іріктеу – заманауи сынама іріктеу жабдықтары арқылы жүзеге асырылады. Талдауларды орындау кезінде кең ауқымды әдістер қолданылады: титриметриялық, спектрофотометриялық, потенциометриялық, флуориметриялық, хроматографиялық, атомдық-эмиссиялық спектрометрия. ИҚ-спектрометрия және т.б. талдауларды жүргізу кезінде өлшеулерді автоматты бақылау жүзеге асырылады, соның есебінен олардың дәлдігі артады.
«Экология» оқу ғылыми-зерттеу зертханасы
Негізгі функциялары:
• Гидрохимия, токсикология, гидробиология және ихтиология материалдарын жинау және өңдеу;
• Трансшекаралық бассейндер су қоймаларының су экожүйелері мен биоресурстарының жай-күйін бағалау тәсілдерін жетілдіру;
• Зерттелетін аудандардағы ауа сапасы туралы деректерді жинау және өңдеу;
• Тамақ өнімдеріндегі ауыр металдардың құрамы туралы деректер базасын құру;
• Жиналған материалды талдау және жағдайды болжау;
• Өңірдің экологиялық проблемалары саласында ғылыми және ғылыми-практикалық конференциялар мен семинарлар өткізу;
• Каспий теңізі акваториясының экологиялық мониторингі саласында халықаралық ынтымақтастықты жүзеге асыру.
