23 ақпан 2022 жыл

«Мемлекеттік қызмет мектебі» ашылды

           2021 жылдың 22 қарашасында Қазақстан Республикасы Мемлекеттік қызмет істері агенттігінің Атырау облысы бойынша департаментінің басшылығымен Х.Досмұхамедов атындағы Атырау университетінде Менеджмент кафедрасымен бірлесіп «Мемлекеттік қызмет мектебінің» ашылу салтанаты өтті.
          Аталаған шараға Басқарма Төрағасы – ректор Саламат Нұрмұханұлы Идрисов, ҚР Мемлекеттік қызмет істері агенттігінің Атырау облысы бойынша департаментінің басшысы, Әдеп жөніндегі кеңес төрағасы Ерлан Мейрамханұлы Ермаханбетов, «Қазақстан Республикасы Президентінің Мемлекеттік басқару Академиясы» Атырау облысы бойынша филиалының өкілі және 5В051000 - «Мемлекеттік және жергілікті басқару» мамандығының 3, 4-курс мамандықтарының студенттері қатысты. 
        Мектеп жүмысын жандандыру үшін қолдау көрсету мақсатында Ерлан Мейрамханұлы өз сөзінде болашақ жас мамандарға дәріс өткізуге, мемлекеттік қызметке дайындауға, дағдыларын үйретуге атап айтты.
        Бұл мектепте университетіміздің кез-келген мамандығының студенттері қатыса алатындығы және аяқтаған соң сертификат берілетіндігі жөнінде де ақпарат берді. Студенттер тарапынан көкейтесті сұрақтарына жауап алып, пайдалы кеңестер тыңдады. Кездесу барысында «Мемлекеттік қызмет мектебінің» Ережесі мен жоспарына екі жақты қол қойылды.